| e-texts navigator |
| Wylie |
69b1 འཇིག་རྟེན་དུ་སྐྱེ་བ་འཐོབ་པ་དང་། ཞི་གནས་ཀྱིས་ལྷག་མཐོང་འཐོབ་པ་དང་། སློབ་པའི་སས་མི་སློབ་པའི་ས་ཐོབ་པ་དང་། རང་སངས་རྒྱས་ཀྱི་སས་སྦྱིན་པ་ཡོངས་སུ་སྦྱང་བ་དང་། སངས་རྒྱས
69b2 ཀྱི་སས་ཚད་མེད་པའི་ཡེ་ཤེས་འཐོབ་པ་དང་། མྱ་ངན་ལས་འདས་པས་སྡུག་བསྔལ་ཐམས་ཅད་ཉེ་བར་ཞི་བ་འཐོབ་པར་འགྱུར་རོ་ཞེས། ཚངས་པ། ང་ནི་ཐབས་ཀྱིས་སེམས་ཅན་རྣམས
69b3 ཆོས་འདི་ལ་མོས་པར་བྱེད་དེ། དེ་བཞིན་གཤེགས་པ་ནི་བདག་གམ། སེམས་ཅན་ནམ། སྲོག་གམ། གང་ཟག་ཏུ་མི་དམིགས་སོ། །དེ་བཞིན་གཤེགས་པ་ནི་སྦྱིན་པའང་མི་དམིགས།
69b4 སྦྱིན་པའི་འབྲས་བུའང་མི་དམིགས། སེར་སྣའང་མི་དམིགས། སེར་སྣའི་འབྲས་བུའང་མི་དམིགས། ཚུལ་ཁྲིམས་ཀྱང་མི་དམིགས། ཚུལ་ཁྲིམས་ཀྱི་འབྲས་བུའང་མི་དམིགས།
69b5 ངང་ཚུལ་ངན་པའང་མི་དམིགས། ངང་ཚུལ་ངན་པའི་འབྲས་བུའང་མི་དམིགས། བཟོད་པའང་མི་དམིགས། བཟོད་པའི་འབྲས་བུའང་མི་དམིགས། གནོད་སེམས་ཀྱང་མི་དམིགས།
69b6 གནོད་སེམས་ཀྱི་འབྲས་བུའང་མི་དམིགས་སོ། །བརྩོན་འགྲུས་ཀྱང་མི་དམིགས། བརྩོན་འགྲུས་ཀྱི་འབྲས་བུའང་མི་དམིགས། ལེ་ལོའང་མི་དམིགས། ལེ་ལོའི་འབྲས་བུའང
69b7 མི་དམིགས། བསམ་གཏན་ཡང་མི་དམིགས། བསམ་གཏན་གྱི་འབྲས་བུའང་མི་དམིགས། གཡེང་བའང་མི་དམིགས། གཡེང་བའི་འབྲས་བུའང་མི་དམིགས། ཤེས་རབ
iiif viewer powered by OpenSeadragon
