| e-texts navigator |
| Wylie |
67b1 སེམས་དཔའ་དེ་དག་ནི་སྨྲ་བ་ཐམས་ཅད་སྨྲའང་ཆོས་གང་ལའང་མངོན་པར་མི་ཆགས་སོ། །དེ་མངོན་པར་མ་ཆགས་པས་ཡེ་ཤེས་ཐོགས་པ་མེད་པའི་སྤོབས་པ་གང་གིས་བསྐལ་པ
67b2 གངྒཱའི་ཀླུང་གི་བྱེ་མ་སྙེད་དུ་ཆོས་བཤད་ཀྱང་རྒྱུན་མི་ཆད་པ་དང་། སྨྲ་བ་ཐམས་ཅད་ཀྱང་ཆོས་ཀྱི་དབྱིངས་དང་ཐ་མི་དད་པར་སྨྲ་བ་དང་། ཆོས་རྣམས་ཀྱི་ཐ་མི་དད་པ་ལའང་མངོན་པར
67b3 ཆགས་པར་མི་འགྱུར་བའི་ཡེ་ཤེས་ཐོགས་པ་མེད་པའི་སྤོབས་པ་ཐོབ་བོ། །ཚངས་པ། དེ་བཞིན་གཤེགས་པས་དེ་ལྟར་གསུངས་པས་ཆོས་རྣམས་བརྗོད་དོ། །ཚངས་པ། དེ་ལ་ཇི
67b4 ལྟར་ན་བྱང་ཆུབ་སེམས་དཔའ་དེ་བཞིན་གཤེགས་པའི་ལྡེམ་པོ་དག་ལ་མཁས་པ་ཁོང་དུ་ཆུད་ཅེ་ན། ཚངས་པ། འདི་ལ་དེ་བཞིན་གཤེགས་པ་ཀུན་ནས་ཉོན་མོངས་པའང་རྣམ
67b5 པར་བྱང་བར་སྟོན། རྣམ་པར་བྱང་བའང་ཀུན་ནས་ཉོན་མོངས་པར་སྟོན་ཏེ། དེ་ལས་བྱང་ཆུབ་སེམས་དཔའ་ལྡེམ་པོ་དག་ཏུ་ཤེས་པར་བྱའོ། །ཚངས་པ། དེ་བཞིན་གཤེགས་པ
67b6 ཀུན་ནས་ཉོན་མོངས་པ་ལ་རྣམ་པར་བྱང་བར་ཇི་ལྟར་སྟོན་ཅེ་ན། ཀུན་ནས་ཉོན་མོངས་པའི་ངོ་བོ་ཉིད་རློམ་སེམས་མེད་པའི་ཕྱིར་ཀུན་ནས་ཉོན་མོངས་པ་རྣམ་པར་བྱང་བར་སྟོན་ཏོ། །
67b7 རྣམ་པར་བྱང་བ་ཀུན་ནས་ཉོན་མོངས་པར་ཇི་ལྟར་སྟོན་ཅེ་ན། རྣམ་པར་བྱང་བའི་ངོ་བོ་ཉིད་རློམ་སེམས་མེད་པའི་ཕྱིར་ཏེ། དེ་ལྟར་རྣམ་པར་བྱང་བ་ཀུན་ནས་ཉོན་མོངས་པར་སྟོན
iiif viewer powered by OpenSeadragon
