| e-texts navigator |
| Wylie |
62a1 འདྲ་བའི་ཆོས་དེ་མངོན་པར་རྟོགས་པར་འདོད་དམ། གསོལ་པ། བཅོམ་ལྡན་འདས། དེ་མ་ལགས་སོ། །བཅོམ་ལྡན་འདས། སངས་རྒྱས་བཅོམ་ལྡན
62a2 འདས་རྣམས་ཀྱིས་ཐུགས་རྗེ་ཆེན་པོ་བསམ་གྱིས་མི་ཁྱབ་པའི་ཆོས་དང་ལྡན་ཏེ། དེ་ལྟར་རབ་ཏུ་ཞི་བའི་ཆོས་མངོན་པར་སངས་རྒྱས་ནས་ཡི་གེ་དང་། ངེས་པའི་ཚིག་གིས་གཞན
62a3 དག་ལ་གོ་བར་མཛད་པ་ངོ་མཚར་ཏོ། །བཅོམ་ལྡན་འདས། གང་དེ་བཞིན་གཤེགས་པས་བསྟན་པའི་ཆོས་ལ་མངོན་པར་དད་པའི་སེམས་ཅན་དེ་དག་ནི་དགེ་བའི་རྩ་བ་ངན་ངོན
62a4 དང་ལྡན་པ་མ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། ཆོས་འདི་ནི་འཇིག་རྟེན་ཐམས་ཅད་དང་མི་མཐུན་པའོ། །བཀའ་སྩལ་པ། ཚངས་པ། ཇི་ལྟར་འཇིག་རྟེན
62a5 ཐམས་ཅད་དང་མི་མཐུན་པ་ཡིན། གསོལ་པ། བཅོམ་ལྡན་འདས། ཇི་ལྟར་འཇིག་རྟེན་ནི་བདེན་པ་ལ་མངོན་པར་ཆགས་ན། ཆོས་འདི་ནི་བདེན་པའང་མ་ལགས། རྫུན
62a6 པའང་མ་ལགས་སོ། །འཇིག་རྟེན་ནི་ཆོས་ལ་མངོན་པར་ཆགས་ན། ཆོས་འདི་ནི་ཆོས་ཀྱང་མ་ལགས། ཆོས་མ་ལགས་པའང་མ་ལགས་སོ། །འཇིག་རྟེན་ནི་མྱ་ངན་ལས་འདས
62a7 པ་ལ་ཆགས་ན། ཆོས་འདི་ལ་ནི་འཁོར་བའང་མ་མཆིས། མྱ་ངན་ལས་འདས་པའང་མ་མཆིས་སོ། །འཇིག་རྟེན་ནི་དགེ་བ་ལ་མངོན་པར་ཆགས་ན། འདི་ལ་ནི་དགེ་བའང
iiif viewer powered by OpenSeadragon
