| e-texts navigator |
| Wylie |
61b1 སོ|་|བཅོམ་ལྡན་འདས་ཀྱིས་བཀའ་སྩལ་པ། ཚངས་པ། ཆོས་གང་རྣམས་མེད་པ་དེ་དག་ཡོད་དམ། འོན་ཏེ་མེད། གསོལ་པ། བཅོམ་ལྡན་འདས། གང་མ་མཆིས་པ་དེ་ནི་མཆིས་པ
61b2 འམ། མ་མཆིས་པ་ཞེས་མི་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ཆོས་གང་ཡང་ཡོད་པའང་མ་ཡིན། མེད་པའང་མ་ཡིན་པ་དེ་ལ་མངོན་པར་རྫོགས་པར་བྱང་ཆུབ་པ་གང
61b3 ཡང་ཡོད་དམ། གསོལ་པ། བཅོམ་ལྡན་འདས། དེ་ལ་མངོན་པར་རྫོགས་པར་བྱང་ཆུབ་པ་གང་ཡང་མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། ཚངས་པ། དེ་ལྟར་དེ་བཞིན
61b4 གཤེགས་པ་བྱང་ཆུབ་ཀྱི་སྙིང་པོ་ལ་ཞུགས་ནས་མེད་པ་ཕྱིན་ཅི་ལོག་ལས་བྱུང་བའི་ཀུན་ནས་ཉོན་མོངས་པ་ཤིན་ཏུ་རང་བཞིན་གྱིས་མི་སྐྱེ་བའི་ངོ་བོ་ཉིད་དུ་མཁྱེན་ཏེ། ཇི་ལྟར་ཤིན
61b5 ཏུ་མི་མཁྱེན་པའང་ཤིན་ཏུ་རྣམ་པར་མི་རིག་པ་དེ་ལྟར་མཁྱེན་ཏོ། །དེ་ཅིའི་ཕྱིར་ཞེ་ན། ཚངས་པ། ངས་འདི་ལྟར་ཆོས་གང་ཡང་མངོན་པར་སངས་རྒྱས་པ་དེ་ནི་མ་མཐོང་། །མ་ཐོས། མི
61b6 དྲན། མ་རྟོགས། རྣམ་པར་མི་རིག་ཅིང་། གཟུང་བའང་མེད། སྦྱར་བའང་མེད། བརྗོད་དུའང་མེད། རྗེས་སུ་སྦྱོར་བའང་མེད། ཡུལ་ཐམས་ཅད་ལས་འདས་པ། སྨྲར་མེད་པ། རབ
61b7 ཏུ་སྨྲར་མེད་པ། དཔྱོད་པ་མེད་པ། རྟོགས་པར་མི་རུང་བ། ཡི་གེ་མེད་པ། ཚིག་གི་ལམ་མེད་པ། རྣམ་པར་རིག་པ་མེད་པ་ཡིན་ཏེ། ཚངས་པ། དེ་ལྟར་ཆོས་གང་ནམ་མཁའ་དང
iiif viewer powered by OpenSeadragon
