| e-texts navigator |
| Wylie |
60b1 ཡང་མི་བདེན་པ་མ་ཡིན་ཏེ། དེ་བཞིན་གཤེགས་པ་རྣམས་སྐྱེས་ཀྱང་རུང་། མ་སྐྱེས་ཀྱང་རུང་ཆོས་ཀྱི་དབྱིངས་འདི་ནི་གནས་པའོ། །དེ་བཞིན་དུ་འཁོར་བ་དང་། དེ་བཞིན་དུ་མྱ་ངན་ལས
60b2 འདས་པའང་རྟག་ཏུ་རྒྱུན་མི་ཆད་པར་འཕགས་པ་རྣམས་ཀྱི་བདེན་པའོ། །དེ་ཅིའི་ཕྱིར་ཞེ་ན། ཚངས་པ། འཁོར་བ་སྤང་བའི་ཕྱིར་འཕགས་པ་རྣམས་ཀྱི་བདེན་པ་མ་ཡིན། མྱ་ངན
60b3 ལས་འདས་པ་ཐོབ་བར་བྱ་བའི་ཕྱིར་ཡང་འཕགས་པ་རྣམས་ཀྱི་བདེན་པ་མ་ཡིན་ཏེ། ཚངས་པ། གང་དག་གིས་འཕགས་པའི་བདེན་པ་བཞི་པོ་འདི་རྣམས་དེ་ལྟར་མངོན་པར་རྟོགས
60b4 པ་མངོན་དུ་བྱས་པ་དེ་དག་ནི་བདེན་པར་སྨྲ་བ་ཡིན་ནོ། །ཡང་། ཚངས་པ། མ་འོངས་པའི་དུས་ན་དགེ་སློང་ལུས་མ་བསྒོམས་པ། སེམས་མ་བསྒོམས་པ། ཚུལ་ཁྲིམས་མ་བསྒོམས་པ། ཤེས་རབ
60b5 མ་བསྒོམས་པ་ཁ་ཅིག་འབྱུང་སྟེ། དེ་དག་ནི་སྡུག་བསྔལ་སྐྱེ་བ་ལ་སྡུག་བསྔལ་འཕགས་པའི་བདེན་པ་ཞེས་སྨྲ་བར་འགྱུར་རོ། །ཀུན་འབྱུང་བའི་ཕྱིར་ཀུན་འབྱུང་བ་འཕགས་པའི་བདེན
60b6 པ་ཞེས་སྨྲ་བར་འགྱུར་རོ། །དངོས་པོ་འཇིག་པའི་ཕྱིར་འགོག་པའི་འཕགས་པའི་བདེན་པ་ཞེས་སྨྲ་བར་འགྱུར་རོ། །ལམ་གྱིས་འབྱུང་བའི་ཕྱིར་ལམ་འཕགས་པའི་བདེན་པ་གཉིས
60b7 སུ་སྨྲ་བར་འགྱུར་ཏེ། སྐྱེས་བུ་བླུན་པོ་དེ་དག་ནི་ཉན་ཐོས་མུ་སྟེགས་ཅན་ཞེས་ངས་བཤད་དོ། །གང་རྣམས་དངོས་པོ་འཇིག་པས་འགོག་པ་འཕགས་པའི་བདེན་པའོ་ཞེས་སྨྲ
iiif viewer powered by OpenSeadragon
