| e-texts navigator |
| Wylie |
60a1 དང་། འགག་པར་འཛིན་པ་དང་། འཁོར་བར་འཛིན་པ་དང་། མྱ་ངན་ལས་འདས་པར་འཛིན་པ་དེ་ནི་རྫུན་པ་ཞེས་བྱའོ། །གང་འཛིན་པ་འདི་དག་ལ་མི་འཛིན
60a2 ཅིང་མཆོག་ཏུ་མི་སྙེམས་པ་འདི་ནི་བདེན་པ་ཞེས་བྱའོ། །སྡུག་བསྔལ་ཡོངས་སུ་ཤེས་པ་ཞེས་བྱ་བ་ནི་རྫུན་ནོ། །ཀུན་འབྱུང་བ་རབ་ཏུ་སྤོང་ངོ་ཞེས་བྱ་བ་ནི་རྫུན་ནོ། །འགོག་པ་མངོན
60a3 དུ་བྱའོ་ཞེས་བྱ་བ་ནི་རྫུན་ནོ། །ལམ་སྒོམ་མོ་ཞེས་བྱ་བ་ནི་རྫུན་ནོ། །དེ་ཅིའི་ཕྱིར་ཞེ་ན། དེ་དག་ནི་སངས་རྒྱས་ཀྱིས་བཀའ་སྩལ་པའི་དྲན་པ་ལས་ཉམས་པ་ཡིན་ཏེ། དེའི་ཕྱིར་རྫུན་པ
60a4 ཞེས་བྱའོ། །སངས་རྒྱས་ཀྱིས་བཀའ་སྩལ་པའི་དྲན་པ་ཞེས་བྱ་བ་གང་ཞེ་ན། གང་ཆོས་ཐམས་ཅད་ལ་མི་དྲན་ཞིང་ཡིད་ལ་མི་བྱེད་པ་འདི་ནི་སངས་རྒྱས་ཀྱིས་བཀའ་སྩལ་པའི་དྲན
60a5 པ་ཞེས་བྱ་སྟེ། གང་དྲན་པ་དེ་ལ་གནས་པ་དེ་ནི་མཚན་མ་ཐམས་ཅད་ལ་མི་གནས་པའོ། །གང་མཚན་མ་ཐམས་ཅད་ལ་མི་གནས་པ་དེ་ནི་ཡང་དག་པའི་མཐའ་ལ་གནས་པའོ། །
60a6 གང་ཡང་དག་པའི་མཐའ་ལ་གནས་པ་དེ་ནི་ཡིད་མི་གནས་པའོ། །གང་མི་གནས་པ་དེ་ནི་བདེན་པར་སྨྲ་པའང་མ་ཡིན། རྫུན་པར་སྨྲ་པའང་མ་ཡིན་ཏེ། དེའི་ཕྱིར། ཚངས་པ།
60a7 རྣམ་གྲངས་འདིས་གང་ལ་བདེན་པའང་མེད། རྫུན་པའང་མེད་པ་དེ་ནི། འཕགས་པ་རྣམས་ཀྱི་བདེན་པ་ཡིན་པར་རིག་པར་བྱའོ། །ཚངས་པ། བདེན་པ་ཞེས་བྱ་བ་དེ་ནི་ནམ
iiif viewer powered by OpenSeadragon
