| e-texts navigator |
| Wylie |
58b1 ཚངས་པ་ཁྱད་པར་སེམས་ལ་འདི་སྐད་ཅེས་བཀའ་སྩལ་ཏོ། །ཚངས་པ། དེ་བཞིན་གཤེགས་པ་འཇིག་རྟེན་གྱི་ཡུལ་ལས་འདས་པས་འཇིག་རྟེན་དང་། འཇིག་རྟེན་ཀུན་འབྱུང་བ་དང་། །
58b2 འཇིག་རྟེན་འགོག་པ་དང་། འཇིག་རྟེན་འགོག་པར་འགྲོ་བའི་ལམ་དུའང་འདོགས་སོ། །ཚངས་པ། །དེ་ལ་འཇིག་རྟེན་ཞེས་བྱ་བ་ནི་ཕུང་པོ་ལྔ་རྣམས་སོ། །གང་དེ་ལ་ཆགས་པ་དེ་ནི
58b3 འཇིག་རྟེན་ཀུན་འབྱུང་བའོ། །གང་ཕུང་པོ་རྣམས་ཀྱི་ཟད་པ་དང་། འགག་པ་དེ་ནི་འཇིག་རྟེན་འགག་པའོ། །གང་ཕུང་པོ་རྣམས་འཚོལ་བ་དང་། མི་འཚོལ་བ་གཉིས་སུ་མེད་པ་དེ་ནི་ལམ
58b4 མོ|་|གཞན་ཡང་། ཚངས་པ། ཕུང་པོ་རྣམས་ཕུང་པོ་རྣམས་ཞེས་ཐ་དད་དུ་འདོགས་པ་ལ་གང་སྨྲ་བ་དང་། སྨྲ་བར་ལྟ་བ་འདི་ནི་འཇིག་རྟེན་ནོ། །གང་ལྟ་བ་དེའི་རྗེས་སུ་འབྲང་བ་འདི་ནི
58b5 འཇིག་རྟེན་ཀུན་འབྱུང་བའོ། །གང་ལྟ་བ་དེ་ཇི་ལྟ་བ་བཞིན་དུ་མཚན་ཉིད་འགག་པ་དེ་ནི་འཇིག་རྟེན་འགག་པ་ཞེས་བྱའོ། །ལམ་གང་གིས་ལྟ་བ་དེ་དག་མི་འཛིན་པ་དེ་ནི་འཇིག་རྟེན
58b6 འགོག་པར་འགྲོ་བའི་ལམ་སྟེ། ཚངས་པ། ངས་འདི་ལ་བསམ་ནས་ང་ནི་ལུས་འདོམ་གང་བ་འདི་ལ་འཇིག་རྟེན་དང་། འཇིག་རྟེན་ཀུན་འབྱུང་བ་དང་། འཇིག་རྟེན་འགག་པ་དང་།
58b7 འཇིག་རྟེན་འགག་པར་འགྲོ་བའི་ལམ་དུ་འདོགས་སོ་ཞེས་ཚིག་དེ་སྐད་བཤད་དོ། །དེ་ནས་བཅོམ་ལྡན་འདས་ལ་ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ། །བཅོམ
iiif viewer powered by OpenSeadragon
