| e-texts navigator |
| Wylie |
57b1 བསྟན་པ་ལ་ནི་རྙེད་གྱུར་ན། །མཐར་འཛིན་པར་ནི་ང་འགྱུར་ཏེ། །མུ་སྟེགས་ཅན་དང་ཁྱད་པར་མེད། །གང་ཕྱིར་ཆོས་རྣམས་ཡང་དག་མིན། །བདེན་པ་དང་ནི་རྫུན་པ་མེད། །དེ་ཕྱིར་འཇིག
57b2 རྟེན་འདས་པའི་ཆོས། །ངས་འདི་གཉིས་སུ་མེད་པར་བཤད། །འཇིག་རྟེན་ཆོས་ཉིད་ཇི་ལྟ་བར། །གང་གི་འཇིག་རྟེན་འདི་ཤེས་པ། །མཁས་པ་དེ་དག་བདེན་པའམ། །རྫུན་པའི་ལྟ
57b3 བའང་མི་འཛིན་ཏོ། །ནམ་མཁའ་ལྟ་བུར་རྣམ་དག་པར། །གང་གི་འཇིག་རྟེན་འདི་ཤེས་པ། །གྲགས་པ་ཆེན་པོའི་འཇིག་རྟེན་གྱི། །སྣང་བ་ལྟ་བུར་གྱུར་པ་ཡིན། །ང་ཉིད་ཀྱིས
57b4 ནི་མཐོང་བ་ལྟར། །དེ་ལྟར་གང་གིས་འཇིག་རྟེན་མཐོང་། །ཕྱོགས་དང་ཕྱོགས་མཚམས་གང་བཞུགས་པ། །རྫོགས་པའི་སངས་རྒྱས་དེ་དག་གཟིགས། །ཆོས་རྣམས་ངོ་བོ
57b5 ཉིད་མེད་པར། །བརྟེན་པའི་ཆོས་རྣམས་རབ་ཏུ་ཤེས། །གང་རྣམས་བརྟེན་པ་ཤེས་པ་ནི། །དེ་དག་ཆོས་ཉིད་ཤེས་པ་ཡིན། གང་རྣམས་ཆོས་ཉིད་རབ་ཤེས་པ། །དེ་དག
57b6 སྟོང་པ་ཉིད་དེ་ཤེས། །གང་རྣམས་སྟོང་ཉིད་རབ་ཤེས་པ། །དེ་ཡི་འདྲེན་པ་དེ་རྣམས་མཐོང་། །གང་རྣམས་འཇིག་རྟེན་བསྟན་པ་འདི། །རྣ་ལམ་གྲགས་པར་འགྱུར་བ་ནི། །དེ་དག
57b7 འཇིག་རྟེན་སྤྱོད་མོད་ཀྱི། །འཇིག་རྟེན་འདི་ལ་གནས་མ་ཡིན། །ལྟ་ལ་གནས་པ་གང་སུ་དག་།གཞན་གྱི་ས་ནི་འདི་མ་ཡིན། །འཇིག་རྟེན་དུ་ནི་སྤྱོད་བྱེད་ཀྱང་། །འཇིག་རྟེན་འདི
iiif viewer powered by OpenSeadragon
