| e-texts navigator |
| Wylie |
56a1 མཛའ་བ་ལ་མཉམ་པའི་ཡིད། །དེ་ཕྱིར་བྱང་ཆུབ་སེམས་དཔའ་ཀུན་ཏུ་འགྲོ་བ་ཡིན། །འདས་པ་དག་གི་ཆོས་ལའང་རྣམ་པར་མི་རྟོག་ཅིང་། །མ་འོངས་པ
56a2 དང་ད་ལྟར་གྱི་ལའང་དེ་བཞིན་ཏེ། །ཐམས་ཅད་དུ་ཡང་དཔའ་པོ་རྣམ་པར་མི་རྟོག་སྤྱོད། །དེ་ཕྱིར་སེམས་ཅན་དག་པ་ཀུན་ཏུ་འགྲོ་བའོ།། །།བམ་པོ་གཉིས་པ། དེ
56a3 ནས་བཅོམ་ལྡན་འདས་ལ་ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན
56a4 གྱི་ཆོས་རྣམས་ལས་ཤིན་ཏུ་འདའ། འཇིག་རྟེན་གྱི་ཆོས་ཀྱི་ནང་ནའང་གདའ་ལ་འཇིག་རྟེན་གྱི་ཆོས་རྣམས་ཀྱིས་ཀྱང་མི་གོས། འཇིག་རྟེན་གྱི་ཆོས་ཀྱི་འཇུག་པའང་རབ་ཏུ
56a5 འཚལ་ལ་འཇིག་རྟེན་གྱི་ཆོས་ཀྱི་འཇུག་པར་ཡང་མི་མཆི། འཇིག་རྟེན་གྱི་ཆོས་ཀྱི་འཇུག་པས་ཀྱང་སེམས་ཅན་རྣམས་འཇིག་རྟེན་གྱི་ཆོས་ལས་ཡོངས་སུ་ཐར་བར་བགྱིད།
56a6 འཇིག་རྟེན་གྱི་ཆོས་ཀྱི་མཉམ་པ་ཉིད་ཀྱང་ཐོབ་ལ་འཇིག་རྟེན་ནའང་རྣམ་པར་སྤྱོད་ཅིང་འཇིག་རྟེན་གྱི་ཆོས་རྣམས་ཀྱང་རྣམ་པར་འཇིག་པར་མི་འགྱིད་པ་ལགས། དེ་ནས
56a7 བཅོམ་ལྡན་འདས་ཀྱིས་ཚངས་པ་ཁྱད་པར་སེམས་ལ་ཚིགས་སུ་བཅད་པ་དག་གིས་སླར་བཀའ་སྩལ་པ། འཇིག་རྟེན་ཕུང་པོར་ངས་བཤད་དེ། །འཇིག་རྟེན་དག་ནི་འདི
iiif viewer powered by OpenSeadragon
