| e-texts navigator |
| Wylie |
54a1 གསོལ་པ། རབ་ཏུ་དབེན་པ་གང་དག་ལགས། བཀའ་སྩལ་པ། གང་དག་ཁམས་གསུམ་དུ་སྨོན་པ་མེད་པ་རྣམས་སོ། །གསོལ་པ། འཇིག་རྟེན་ན་ཤིན་ཏུ
54a2 བསྡམས་པ་གང་དག་ལགས། བཀའ་སྩལ་པ། གང་ཀུན་ཏུ་སྦྱོར་བ་ཐམས་ཅད་ཤིན་ཏུ་བྱང་བ་རྣམས་སོ། །གསོལ་པ། འཇིག་རྟེན་ན་བདེ་བ་རྣམས་གང་དག་ལགས། བཀའ
54a3 སྩལ་པ། གང་རྣམས་ལ་ཡོངས་སུ་འཛིན་པ་མེད་པའོ། །གསོལ་པ། ཡོངས་སུ་མི་འཛིན་པ་གང་དག་ལགས། བཀའ་སྩལ་པ། གང་དག་གི་ཕུང་པོ་ཡོངས་སུ་ཤེས་པའོ། །
54a4 གསོལ་པ། ཕ་རོལ་ཏུ་མཆིས་པ་གང་དག་ལགས། བཀའ་སྩལ་པ། གང་གིས་སྐྱེ་མཆེད་དྲུག་སྤངས་པ་རྣམས་སོ། །གསོལ་པ། བཅོམ་ལྡན་འདས། འགྲམ་དུ་ཕྱིན་པ་རྣམས
54a5 གང་དག་ལགས། བཀའ་སྩལ་པ། ཚངས་པ། གང་གིས་མཉམ་པ་ཉིད་ཐོབ་པ་རྣམས་སོ། །གསོལ་པ། བཅོམ་ལྡན་འདས། ཇི་ལྟར་ན་བྱང་ཆུབ་སེམས་དཔའ་རྣམས་ཀྱི
54a6 སྦྱིན་པ་རྒྱས་པ་ལགས། བཀའ་སྩལ་པ། ནམ་སེམས་ཅན་ཐམས་ཅད་ཐམས་ཅད་མཁྱེན་པའི་སེམས་ལ་མོས་པར་བྱེད་པའོ། །གསོལ་པ། ཇི་ལྟར་ན་ཚུལ་ཁྲིམས་དང་ལྡན
54a7 པ་རྣམས་ལགས། བཀའ་སྩལ་པ། ནམ་ཐམས་ཅད་མཁྱེན་པའི་སེམས་མི་འདོར་བའོ། །གསོལ་པ། ཇི་ལྟར་ན་བཟོད་པ་དང་ལྡན་པ་རྣམས་ལགས། བཀའ་སྩལ་པ།
iiif viewer powered by OpenSeadragon
