| e-texts navigator |
| Wylie |
53b1 བཀའ་སྩལ་པ། གང་དག་ཆོས་གང་ཡང་ཡོངས་སུ་མི་འཛིན་པ་རྣམས་སོ། །གསོལ་པ། །འཇིག་རྟེན་ན་བསོད་ནམས་ཀྱི་ཞིང་གང་དག་ལགས། བཀའ་སྩལ་པ། གང་དག་བྱང་ཆུབ
53b2 ཀྱི་སེམས་ཆུད་མི་གཟོན་པ་རྣམས་སོ། །གསོལ་པ། དགེ་བའི་བཤེས་གཉེན་གང་ལགས། བཀའ་སྩལ་པ། གང་དག་གིས་སེམས་ཅན་ཐམས་ཅད་ལ་བྱམས་པ་ཡོངས་སུ་མ
53b3 བཏང་བ་རྣམས་སོ། །གསོལ་པ། དེ་བཞིན་གཤེགས་པ་ལ་བགྱིས་པ་གཟོ་བ་གང་དག་ལགས། བཀའ་སྩལ་པ། གང་དག་སངས་རྒྱས་ཀྱི་རིགས་མི་གཅོད་པ་རྣམས་སོ། །གསོལ
53b4 བ|་དེ་བཞིན་གཤེགས་པ་ལ་མཆོད་པ་བགྱིད་པ་གང་དག་ལགས། བཀའ་སྩལ་པ། གང་དག་མི་སྐྱེ་བའི་མཐའ་རྟོགས་པ་རྣམས་སོ། །གསོལ་པ། དེ་བཞིན་གཤེགས
53b5 པ་དང་ཉེ་བར་གནས་པ་གང་དག་ལགས། བཀའ་སྩལ་པ། གང་དག་སྲོག་གི་ཕྱིར་ཡང་བསླབ་པ་མི་འདྲལ་བ་རྣམས་སོ། །གསོལ་པ། དེ་བཞིན་གཤེགས་པ་ལ་རི་མོ་དང་བཅས་པ་གང
53b6 དག་ལགས། བཀའ་སྩལ་པ། གང་དབང་པོ་རབ་ཏུ་བསྡམས་ཏེ་གནས་པ་རྣམས་སོ། །གསོལ་པ། འཇིག་རྟེན་ན་ནོར་ཆེ་བ་གང་དག་ལགས། བཀའ་སྩལ་པ། གང་དག་ནོར་བདུན
53b7 དང་ལྡན་པ་རྣམས་སོ། །གསོལ་པ། འཇིག་རྟེན་ན་མཆོག་འཚལ་བ་གང་དག་ལགས། བཀའ་སྩལ་པ། འཇིག་རྟེན་ན་གང་དག་ལ་ཤེས་རབ་བླ་ན་མེད་པ་ཡོད་པ་རྣམས་སོ། །
iiif viewer powered by OpenSeadragon
