| e-texts navigator |
| Wylie |
52b1 པ་དངོས་པོར་འཚལ་ཏེ། མྱ་ངན་ལས་འདས་པ་དེ་ཉིད་ལ་རྣམ་པར་སྤྱོད་ཀྱང་དེ་མི་མཐོང་ཁོང་དུ་མི་ཆུད་དོ། །དེ་ཅིའི་ཕྱིར་ཞེ་ན། རིགས་ཀྱི་བུ། གང་མྱ་ངན་ལས་འདས་པ་ཞེས་བྱ་བ་དེ་ནི
52b2 མིང་ཙམ་མོ། །ཇི་ལྟར་ནམ་མཁའ་ནམ་མཁའ་ཞེས་བརྗོད་ཀྱང་གཟུང་དུ་མེད་པ་དེ་བཞིན་དུ་མྱ་ངན་ལས་འདས་པ་མྱ་ངན་ལས་འདས་པ་ཞེས་བརྗེད་པ་འདི་གཟུང་དུ་མེད་པའོ། །དེ་ནས
52b3 དགེ་སློང་ལྔ་བརྒྱ་པོ་དེ་དག་བཤད་པ་འདི་ཐོས་ནས་ཟག་པ་ལས་ལེན་པ་མེད་པར་སེམས་རྣམ་པར་གྲོལ་ཏེ། མངོན་པར་ཤེས་པ་ཐོབ་པ་དེ་དག་གིས་ཚིག་སྨྲས་པ། བཅོམ་ལྡན
52b4 འདས། གང་རྣམས་ཆོས་ཐམས་ཅད་ཤིན་ཏུ་ཡོངས་སུ་མྱ་ངན་ལས་འདས་པ་ལ་མྱ་ངན་ལས་འདས་པ་དངོས་པོར་ཚོལ་པ་དེ་དག་ལ་སངས་རྒྱས་འབྱུང་བ་མཆིས་སོ། །བཅོམ
52b5 ལྡན་འདས། བདག་ཅག་ནི་སོ་སོ་སྐྱེ་པོའང་མ་ལགས། སློབ་པའང་མ་ལགས། དགྲ་བཅོམ་པའང་མ་ལགས། འཁོར་བའི་ཆོས་ཅན་ཡང་མ་ལགས། མྱ་ངན་ལས
52b6 འདས་པའི་ཆོས་ཅན་ཡང་མ་ལགས་སོ། །དེ་ཅིའི་ཕྱིར་ཞེ་ན། བཅོམ་ལྡན་འདས། སངས་རྒྱས་འབྱུང་བ་ནི་བྱེད་པ་དང་། སེམས་དང་། གཡོ་བ་དང་། སྤྲོས་པ་ཐམས་ཅད་མ
52b7 མཆིས་པའོ། །དེ་ནས་ཚེ་དང་ལྡན་པ་ཤཱ་རིའི་བུས་དགེ་སློང་དེ་དག་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག་གིས་དགེ་སྦྱོང་ཉིད་ཁོང་དུ་ཆུད་དོ། །རང་གི་དོན་བྱས་སོ། །དེ
iiif viewer powered by OpenSeadragon
