| e-texts navigator |
| Wylie |
51b1 བར་འཇུག་པའང་ཅི་དགོས་ཞེས་ཟེར་རོ། །དེ་ནས་བཅོམ་ལྡན་འདས་ལ་གཞོན་ནུར་གྱུར་པ་དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། གང་དག་ཆོས་གང་ལ
51b2 སྐྱེ་བའམ། འགག་པར་འཚལ་བ་དེ་དག་ལ་སངས་རྒྱས་འབྱུང་བ་མ་མཆིས་སོ། །བཅོམ་ལྡན་འདས། གང་དག་མྱ་ངན་ལས་འདས་པ་དངོས་པོར་འཚོལ་བ་དེ་དག་ལའང་འཁོར
51b3 བ་ལས་འདའ་བ་མ་མཆིས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། མྱ་ངན་ལས་འདས་པ་ཞེས་བགྱི་བ་ནི་གང་མཚན་མ་ཐམས་ཅད་རབ་ཏུ་ཞི་བ་དང་། གཡོ་བ་ཐམས་ཅད
51b4 མ་མཆིས་པར་གྱུར་པ་ལགས་ན། བཅོམ་ལྡན་འདས། སྐྱེས་བུ་བླུན་པོ་འདི་དག་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་ནས་མུ་སྟེགས་ཅན་གྱི་ལྟ་བར་ལྷུང་སྟེ་མྱ
51b5 ངན་ལས་འདས་པ་དངོས་པོར་འཚོལ་ལོ། །འདི་ལྟ་སྟེ། བཅོམ་ལྡན་འདས། ཏིལ་ལས་ཏིལ་མར་དང་། འོ་མ་ལས་མར་བཞིན་དུ་ཆོས་ཐམས་ཅས་ཤིན་ཏུ་མྱ་ངན་ལས་འདས་པ་ལ
51b6 གང་རྣམས་མྱ་ངན་ལས་འདས་པ་ལ་དངོས་པོར་འཚོལ་བ་དེ་དག་ནི་ཉན་ཐོས་མུ་སྟེགས་ཅན་ང་རྒྱལ་ཅན་ཞེས་བདག་མཆིའོ། །བཅོམ་ལྡན་འདས། རྣལ་འབྱོར་སྤྱོད་པ་ཡང་དག
51b7 པར་ཞུགས་པའི་ཆོས་གང་ལའང་སྐྱེ་བའམ། འགག་པར་མི་མཐོང་། ཆོས་གང་ལའང་འཐོབ་པའམ། མཐོང་པར་རྟོགས་པར་མི་འཚལ་ལོ། །དེ་ནས་གཞོན་ནུར་གྱུར་པ་དྲ་བ་ཅན
iiif viewer powered by OpenSeadragon
