| e-texts navigator |
| Wylie |
51a1 རོ|་|དེ་ནས་བཅོམ་ལྡན་འདས་ཀྱིས་ཚངས་པ་ཁྱད་པར་སེམས་ལ་ལེགས་སོ་ཞེས་བྱ་བ་བྱིན་ཏེ། ཚངས་པ། ལེགས་སོ། །ལེགས་སོ། །ཚངས་པ། ཅི་སྟེ
51a2 བཤད་པར་བྱ་ན་དེ་སྐད་བཤད་པར་བྱའོ། །ཚུལ་བཞིན་དུ་ཆོས་བསྟན་པ་འདི་བསྟན་པ་ན་དགེ་སློང་ཉིས་སྟོང་རྣམས་ཟག་པ་ལས་ལེན་པ་མེད་པར་སེམས་རྣམ་པར་གྲོལ་ལོ། །
51a3 དེ་ནས་བཅོམ་ལྡན་འདས་ཀྱིས་ཚངས་པ་ཁྱད་པར་སེམས་ལ་འདི་སྐད་ཅེས་བཀའ་སྩལ་ཏོ། །ཚངས་པ། ངས་འཁོར་བ་དང་། མྱ་ངན་ལས་འདས་པ་མ་དམིགས་སོ། །དེ་ཅིའི་ཕྱིར་ཞེ
51a4 ན|་དེ་བཞིན་གཤེགས་པ་འཁོར་བར་འདོགས་ཀྱང་འདི་ལ་གང་ཡང་འཁོར་བ་མེད་དོ། །མྱ་ངན་ལས་འདས་པར་སྟོན་ཀྱང་འདི་ལ་གང་ཡང་ཡོངས་སུ་མྱ་ངན་ལས་མི་འདའོ། །
51a5 ཚངས་པ། གང་རྣམས་ཚུལ་འདི་ལ་ཞུགས་པ་དེ་དག་ནི་འཁོར་བའི་ཆོས་ཅན་ཡང་མ་ཡིན། ཡོངས་སུ་མྱ་ངན་ལས་འདའ་བའི་ཆོས་ཅན་ཡང་མ་ཡིན་ནོ། །དེ་ནས་འཁོར་དེའི
51a6 ནང་ནས་དགེ་སློང་ལྔ་བརྒྱ་བསྟན་པ་འདི་ཐོས་པ་དང་། སྟན་ལས་ལངས་ཏེ་དོང་ངོ་། །ཚིག་འདི་སྐད་ཅེས་ཀྱང་སྨྲས་ཏེ། གལ་ཏེ་འདི་ལ་གང་ཡང་མི་འཁོར། གལ་ཏེ་གང་ཡང་ཡོངས
51a7 སུ་མྱ་ངན་ལས་མི་འདའ་ན། བདག་ཅག་ཚངས་པར་སྤྱོད་པ་ལ་གནས་པའང་དོན་མེད་དོ། །བདག་ཅག་ལམ་སྒོམ་པ་དང་། བསམ་གཏན་དང་། ཏིང་ངེ་འཛིན་དང་། སྙོམས
iiif viewer powered by OpenSeadragon
