| e-texts navigator |
| Wylie |
50b1 ཁྱད་པ་དེ་དག་ནི་ཇི་ལྟར་བསྟན་པར་དེ་བཞིན་དུ་རབ་ཏུ་སྦྱོར་བ་ཡིན་ཏེ། དེ་དག་ནི་ཆོས་གང་ལའང་སྤྲོས་པར་མི་བྱེད་པར་འགྱུར་རོ། །སུ་ཆོས་གང་ལའང་སྤྲོས་པར་བྱེད་པར་མི་འགྱུར
50b2 བ་དེ་དག་ནི་ཆོས་གང་ཡང་ཁོང་དུ་ཆུད་པར་མི་འགྱུར་རོ། །སུ་ཆོས་གང་ཡང་ཁོང་དུ་ཆུད་པར་མི་འགྱུར་བ་དེ་དག་ནི་འཁོར་བར་འགྲོ་བའང་མ་ཡིན། མྱ་ངན་ལས་འདས་པའི
50b3 ཆོས་ཅན་ཡང་མ་ཡིན་ནོ། །དེ་ཅིའི་ཕྱིར་ཞེ་ན། བཅོམ་ལྡན་འདས་ཀྱིས་འཁོར་བའང་མ་དམིགས། ཡོངས་སུ་མྱ་ངན་ལས་འདས་པའང་མ་དམིགས་པའི་ཕྱིར་རོ། །སྨྲས་པ།
50b4 བཅོམ་ལྡན་འདས་ཀྱིས་འཁོར་བ་ལས་བཟླ་བའི་ཕྱིར་ཆོས་མ་བཤད་དམ། སྨྲས་པ། བཅོམ་ལྡན་འདས་ཀྱིས་གང་འཁོར་བ་ལས་བཟླ་བའི་ཆོས་གང་ཡང་མ་བསྟན་ཏམ།
50b5 སྨྲས་པ། དེ་ནི་མ་ཡིན་ནོ། །སྨྲས་པ། རིགས་ཀྱི་བུ། དེ་ལྟ་བས་ན་བཅོམ་ལྡན་འདས་ཀྱིས་འཁོར་བའང་མི་སེལ། མྱ་ངན་ལས་འདས་པའང་ཐོབ་པར་མི་བྱེད་མོད་ཀྱི། འཁོར
50b6 བ་དང་། མྱ་ངན་ལས་འདས་པ་གཉིས་སུ་འདུ་ཤེས་པ་ལས་མྱ་ངན་ལས་འདའ་བར་སྟོན་ཏེ། འདི་ལ་གང་ཡང་འཁོར་བ་ལས་འདའ་བར་ཡང་མི་བྱེད། ཡོངས་སུ་མྱ་ངན
50b7 ལས་འདས་པའང་འཐོབ་པར་མི་བྱེད་དོ། །དེ་ཅིའི་ཕྱིར་ཞེ་ན། མཉམ་པ་ཉིད་ནི་མི་འཁོར། མྱ་ངན་ལས་མི་འདའོ། །ཀུན་ནས་ཉོན་མི་མོངས། རྣམ་པར་བྱང་བར་མི་འགྱུར
iiif viewer powered by OpenSeadragon
