| e-texts navigator |
| Wylie |
49b1 ཐོ་བ་དང་བཅས་པའོ། །འདི་ནི་ཁ་ན་མ་ཐོབ་མེད་པའོ། །འདི་ནི་འདུས་བྱས་སོ། །འདི་ནི་འདུས་མ་བྱས་སོ། །འདི་ནི་འཇིག་རྟེན་པའོ། །འདི་ནི་འཇིག་རྟེན་ལས་འདས་པའོ། །ཞེས་འདྲིན
49b2 དེ་ནི་ཚུལ་བཞིན་མ་ཡིན་པ་སྟེ། དྲ་བ་ཅན་གྱི་འོད། ཇི་ཙམ་དུ་གཉིས་སུ་འཇུག་པས་འདྲི་བ་དེ་ཙམ་དུ་ཚུལ་བཞིན་མ་ཡིན་པའོ། །དྲ་བ་ཅན་གྱི་འོད། གང་ལ་གཉིས་མེད་པ་དང་། གཉིས
49b3 མ་ཡིན་པ་མེད་པ་དང་། །འདུ་ཤེས་མེད་པ་དང་། མིང་མེད་པ་དང་། སྤྱི་མི་འཇུག་པ་དེ་ནི་ཚུལ་བཞིན་འདྲི་བའོ། །གཞན་ཡང་། དྲ་བ་ཅན་གྱི་འོད། སངས་རྒྱས་ཐ་དད་དུ་བྱེད་པ་དང་། ཆོས
49b4 ཐ་དད་དུ་བྱེད་པ་དང་། དགེ་འདུན་ཐ་དད་དུ་བྱེད་པ་དང་། ཞིང་ཐ་དད་དུ་བྱེད་པ་དང་། སེམས་ཅན་ཐ་དད་དུ་བྱེད་པ་དང་། ཐག་པ་ཐ་དད་དུ་བྱེད་པ་དེ་དག་ནི་ཚུལ་བཞིན་མ་ཡིན་པའོ།།
49b5 དྲ་བ་ཅན་གྱི་འོད། གང་ལ་ཆོས་གང་ཡང་ཐ་དད་པར་རམ། གཅིག་པར་མི་འདྲི་བ་དེ་ནི་ཚུལ་བཞིན་འདྲི་བའོ། །གཞན་ཡང་། དྲ་བ་ཅན་གྱི་འོད། ཆོས་ཐམས་ཅད་ནི་ཚུལ་བཞིན
49b6 ནོ|་|ཆོས་ཐམས་ཅད་ནི་ཚུལ་བཞིན་མ་ཡིན་པའོ། །སྨྲས་པ། ཚངས་པ་ཇི་ལྟར་ན་ཆོས་ཐམས་ཅད་ནི་ཚུལ་བཞིན། ཆོས་ཐམས་ཅད་ནི་ཚུལ་བཞིན་མ་ཡིན། སྨྲས་པ། ཆོས་ཐམས
49b7 ཅད་བསམ་གྱིས་མི་ཁྱབ་པའི་ཕྱིར་ཆོས་ཐམས་ཅད་ནི་ཚུལ་བཞིན་ནོ། །ཆོས་ཐམས་ཅད་བསམ་གྱིས་མི་ཁྱབ་པ་ལ་སེམས་པར་ཞུགས་པ་དེ་དག་ནི་ཚུལ་བཞིན་མ་ཡིན་པའོ། །
iiif viewer powered by OpenSeadragon
