| e-texts navigator |
| Wylie |
49a1 ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ། །དྲ་བ་ཅན་གྱི་འོད། གང་ལ་ཀུན་ནས་ཉོན་མོངས་པའི་ཕྱིར་མ་ཡིན། རྣམ་པར་བྱང་བའི་ཕྱིར་མ་ཡིན། འཁོར
49a2 བའི་ཕྱིར་མ་ཡིན། འཁོར་བ་ལས་ཤིན་ཏུ་བཟླ་བའི་ཕྱིར་མ་ཡིན། ཡོངས་སུ་མྱ་ངན་ལས་འདའ་བའི་ཕྱིར་འདྲི་བ་མེད་པ་དེ་ནི་ཚུལ་བཞིན་འདྲི་བའོ། །དེ་ཅིའི་ཕྱིར་ཞེ་ན། ཆོས་མི་འགྱུར་བ་ཉིད་ནི་ཀུན་ནས
49a3 ཉོན་མི་མོངས། རྣམ་པར་བྱང་བར་མི་འགྱུར། མི་འཁོར་ཞིང་ཡོངས་སུ་མྱ་ངན་ལས་མི་འདའོ། །གཞན་ཡང་། དྲ་བ་ཅན་གྱི་འོད། འཐོབ་པའི་ཕྱིར་འདྲི་ན་དེ་ནི་ཚུལ་བཞིན་མ་ཡིན
49a4 པའོ། །མངོན་དུ་བྱ་བའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ། །མངོན་པར་ཤེས་པའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ། །ཡོངས་སུ་ཤེས་པ་དང་། སྒོམ་པའི་ཕྱིར
49a5 འདྲི་ན་དེ་ནི་ཚུལ་བཞིན་མ་ཡིན་པའོ། །འབྲལ་བའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ། །དྲ་བ་ཅན་གྱི་འོད། གང་ལ་ཐོགས་པ་མེད་པ་དང་། འཛིན་པ་མེད་པ་དང་། མངོན
49a6 པར་འདུ་བྱ་བ་མེད་པ་དང་། ཀུན་ཏུ་རྟོག་པ་མེད་པ་དང་། མངོན་པར་ཤེས་པ་མེད་པ་དང་། གནས་མེད་པ་དང་། བསྒོམ་པ་མེད་པ་དང་། བསྒོམ་པར་ལྟ་བ་མེད་པ་དེ་ནི་ཚུལ
49a7 བཞིན་འདྲི་བའོ། །གཞན་ཡང་། དྲ་བ་ཅན་གྱི་འོད། འདི་ནི་དགེ་བའོ། །འདི་ནི་མི་དགེ་བའོ། །འདི་ནི་ཟག་པ་དང་བཅས་པའོ། །འདི་ནི་ཟག་པ་མེད་པའོ། །འདི་ནི་ཁ་ན་མ
iiif viewer powered by OpenSeadragon
