| e-texts navigator |
| Wylie |
47b1 པ་དང་། ཆོས་རྣམས་ཀྱི་རྒྱུ་སྟོན་པ་དང་། བྱང་ཆུབ་ཀྱི་སེམས་མི་གཏོང་བ་སྟེ་བཞི་པོ་འདི་དག་གོ། ཚངས་པ། ཆོས་བཞི་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས
47b2 ཕ་རོལ་ཏུ་ཕྱིན་པ་དྲུག་ལ་མ་བསྟན་པར་ཤེས་པ་རྣམས་ཡིན་ཏེ། བཞི་གང་ཞེ་ན། སྦྱིན་པ་དག་ལ་སྔོན་དུ་འགྲོ་བ་རྣམས་ཡིན། ལྟུང་བ་རྣམས་ཀྱི་ཕ་རོལ་ལ་རྩོད་པར་མི་བྱེད་པ་ཡིན།
47b3 སེམས་ཅན་ཡོངས་སུ་སྨིན་པར་བྱ་བའི་ཕྱིར་བསྡུ་བའི་དངོས་པོ་ལ་མཁས་པ་ཡིན། ཆོས་རྣམས་ལ་ཟབ་མོར་མོས་པ་རྣམས་ཡིན་ཏེ་བཞི་པོ་འདི་དག་གོ། ཚངས་པ། ཆོས་བཞི་དང
47b4 ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་བསམ་གཏན་ལ་གནས་ནས་འདོད་པའི་ཁམས་སུ་སྐྱེའོ། །བཞི་གང་ཞེ་ན། སེམས་ལས་སུ་རུང་བ་དང་། དགེ་བའི་རྩ
47b5 བ་རྣམས་ཀྱིས་སྟོབས་བསྐྱེད་པ་དང་། སེམས་ཅན་རྣམས་ཡོངས་སུ་མི་གཏོང་བ་དང་། ཐབས་དང་། ཤེས་རབ་སྒོམ་པ་སྟེ། བཞི་པོ་འདི་དག་གོ། ཚངས་པ། ཆོས་བཞི་དང་ལྡན་ན
47b6 བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སངས་རྒྱས་ཀྱི་ཆོས་རྣམས་ལས་ཕྱིར་མི་ལྡོག་པ་ཡིན་ཏེ། བཞི་གང་ཞེ་ན། འཁོར་བ་དཔག་ཏུ་མེད་པ་ཡོངས་སུ་འཛིན་པ་དང་།
47b7 སངས་རྒྱས་དཔག་ཏུ་མེད་པ་ལ་མཆོད་ཅིང་རིམ་གྲོར་བྱེད་པ་དང་། བྱམས་པ་དཔག་ཏུ་མེད་པ་སྒོམ་པ་དང་། སྙིང་རྗེ་དཔག་ཏུ་མེད་པ་སྒོམ་པ་སྟེ་བཞི་བོ་འདི་དག་གོ་།ཚངས་པ།
iiif viewer powered by OpenSeadragon
