| e-texts navigator |
| Wylie |
33a1 རྒྱལ་པོ་ཚངས་པས་བྱིན་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ། བཞི་པོ་འདི་དག་ནི་བསྟན་པ་འདི་ལ་རབ་ཏུ་བྱུང་བའི་གཡང་ས་ཡིན་ཏེ། བཞི་གང
33a2 ཞེ་ན། སངས་རྒྱས་ལ་མ་གུས་པ་དང་། དམ་པའི་ཆོས་སྤོང་བ་དང་། ཆོས་སྨྲ་བ་ལ་སྡང་བ་དང་། མངོན་པར་བརྩོན་པ་མེད་པར་དད་པས་བྱིན་པ་ལེན་པ་སྟེ། རྒྱལ་པོ་ཆེན་པོ།
33a3 བཞི་པོ་དེ་དག་ནི་བསྟན་པ་འདི་ལ་རབ་ཏུ་བྱུང་བའི་གཡང་ས་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །སངས་རྒྱས་སོམ
33a4 ཉིས་ཟ་བ་གཡང་སའི་མཆོག། འཇིག་རྟེན་ཀུན་གྱི་སྐྱབས་བྱེད་མི་ནུས་ཏེ། །བློ་ཆུང་དེ་ནི་བསྟན་ལས་ཉམས་གྱུར་པས། །མགོན་མེད་དེ་ནི་ངན་འགྲོར་འགྲོ་བར་འགྱུར། །
33a5 དེས་ནི་ཆོས་ཀྱང་སྤངས་པས་ངན་སོང་འགྲོ། །ལོ་ནི་སྟོང་ལས་མི་ཉུང་བར་དུ་ཡང་། །དམུས་ལོང་དབང་པོ་དམན་ཞིང་སེམས་ཀྱང་ཉམས། །སྡུག་བསྔལ་ཆེན་པོ་འདི་ནི་གཡང
33a6 ས་གཉིས། །སངས་རྒྱས་ཆོས་འཛིན་མི་འཇིགས་གང་ཡིན་པ། །ཐམས་ཅད་མཁྱེན་པའི་ཡེ་ཤེས་སྐྱོང་བྱེད་པ། །དེ་དག་སྐུར་འདེབས་གཡང་ས་ཆེན་པོ་གསུམ། །བསྐལ་པ
33a7 བྱེ་བ་མང་པོར་མྱོང་བར་འགྱུར། །དེ་ནི་དད་པས་བྱིན་པ་མི་རིགས་སྤྱོད། །དེ་ནི་གཡང་ས་ཆེན་པོ་བཞི་པ་ཡིན། །དེ་ནི་འཇིག་རྟེན་སུས་ཀྱང་སྐྱབས་མི་ནུས། །སྡིག་པའི་ལས
iiif viewer powered by OpenSeadragon
