| e-texts navigator |
| Wylie |
30a1 ཡི་བྱང་ཆུབ་མཆོག་ལ་འདུན། །དེ་དག་ཅི་ཕྱིར་གཞན་ལ་སྤྲོ་བ་སྐྱེད། །ཕྱི་མའི་དུས་ན་ང་ཡི་བསྟན་པ་ལ། །དམུ་རྒོད་མང་པོ་བྱང་ཆུབ་སུན་ཡང་འབྱིན། །
30a2 དེ་དག་གཅོད་རོང་གཡང་ས་ཆེན་པོར་འགྲོ། །བསམ་པ་ཉམས་ལ་བྱང་ཆུབ་ཅི་བྱར་ཡོད། །ང་ཡི་བྱང་ཆུབ་མཆོག་འདོད་གང་ཡིན་པས། །རིགས་ངན་བུ་འདྲར་ང་རྒྱལ་སྤངས
30a3 བྱས་ནས། །སེམས་ཅན་ཀུན་ལ་བྱམས་པའི་སེམས་བསྐྱེད་ནས། །ཐོབ་དང་མ་ཐོབ་མི་དགར་ཡོང་མི་བྱ། །རྒྱལ་པོ་ཆེན་པོ། གཞན་ཡང་། གང་ན་གུས་པ་མེད་པ་དང་། མ
30a4 དད་པ་དང་། གཞན་དག་ལ་སྡང་བ་དང་། གླགས་ལྟ་བ་དག་ཡོད་པ་དེར་ནི་དེ་བཞིན་གཤེགས་པ་རྣམས་དང་། དེ་བཞིན་གཤེགས་པའི་ཉན་ཐོས་རྣམས་ཡུན་རིང་དུ
30a5 མངོན་པར་དགའ་བར་མི་འགྱུར་ཏེ། མྱུར་བ་ཁོ་ནར་འདོད་པར་འགྱུར་རོ། །རྒྱལ་པོ་ཆེན་པོ། ཆོས་བཅུ་དྲུག་པོ་འདི་དག་ནི་མ་དད་པའི་གང་ཟག་སྟོན་པ་སྟེ། བཅུ་དྲུག་པོ་གང
30a6 ཞེ་ན། མི་མཐུན་པར་འཛིན་དུ་འཇུག་པ་དང་། སྡིག་པའི་བསྟན་པ་ལ་འཐད་པར་ལྟ་བ་དང་། ཆོས་ཀྱི་གཏམ་ལ་མི་འཐད་པར་ལྟ་བ་དང་། སྡིག་པའི་བསམ་པ་ཅན་དང་།
30a7 སེམས་ཁེངས་པ་དང་། གླགས་ལྟ་བ་དང་། ཁོང་གཡོ་ཅན་དང་། འཚོ་བ་ཡོངས་སུ་མ་དག་པ་དང་། བཀུར་སྟི་འདོད་པ་དང་། སེམས་ཀྱི་རྒྱུད་མི་དགེ་བ་དང་། སྦྱོར་བ་མེད་པ
iiif viewer powered by OpenSeadragon
