| e-texts navigator |
| Wylie |
275a1 ཅིའི་ཕྱིར་ཞེ་ན། དེ་དག་ནི་དེ་བཞིན་གཤེགས་པས་ཆོས་ཀྱི་ཆོམ་རྐུན་པར་གསུངས་ཏེ། སོ་སོར་ཐར་པ་སྤངས་ནས་གཅིག་པུར་འདུག་ཅིང་བུད་མེད
275a2 ཆོས་འཆད་པའི་ཕྱིར་རོ། །མི་བླུན་པོ་དེ་དག་ནི་བཅོས་མ་སྟེ། མགོ་བྲེགས་པས་བཅོས་པ་དང་། གོས་ངུར་སྨིག་གྱོན་པས་བཅོས་པའོ། །རྒྱུ་གང་གིས་བཅོས་མ་ཡིན་པར
275a3 ཤེས་པར་བྱ་ཞེ་ན། སངས་རྒྱས་བཅོམ་ལྡན་འདས་རྣམས་ཀྱིས་སྨན་པ་གང་ཡིན་པ་མི་བླུན་པོ་དེ་དག་གིས་གནང་བར་བྱེད་དེ། ལོ་ཉི་ཤུ་མ་ལོན་པར་རྫོགས་པར་བསྙེན
275a4 པར་བྱེད། རང་གི་ལག་གིས་ལེན་པར་བྱེད། མ་བརྟགས་པ་ལ་ལོངས་སྤྱོད་པར་བྱེད། རང་ཉིད་གཡོས་དང་འཚེད་པའི་ལས་བྱེད། གསེར་དང་། དངུལ་བདག་གིར་བྱེད་།
275a5 ཁྲེ་རྒོད་དང་། འབྲུ་ལ་སོགས་པ་གསོག་པར་བྱེད། ཁྱིམ་གྱི་གཞི་དང་། ཞིང་གི་གཞི་དང་། ཀུན་དགའ་ར་བའི་གཞི་ཉོ་ཚོང་བྱེད་ཅིང་། ཚལ་ཟའི་འཚོ་བ་སྦྱོར་བར་བྱེད། ཁྱིམ་གྱི
275a6 གཞི་དང་། ཞིང་གི་གཞི་དང་། ཀུན་དགའ་ར་བའི་གཞི་ལེན་པར་བྱེད། ལས་ཀྱི་རྣམ་པར་སྨིན་པ་ལའང་ཡིད་མི་ཆེས་ཤིང་སོ་སོར་ཐར་པ་ལའང་མ་དད་ནས་དེ་ལ
275a7 གཞོལ། དེ་ལ་འབབ། དེ་ལ་བབ། དེ་ལ་བདེན་པར་འཛིན། དེའི་སྤྱོད་ལམ་བྱེད། དགེ་སྦྱོང་དུ་འདྲ་བར་འཛིན་ཅིང་གང་ན་སྐྱེ་བོ་མང་པོ་ཡོད་པར་དེར་གཅེར་བུ་པ་དང
iiif viewer powered by OpenSeadragon
