| e-texts navigator |
| Wylie |
274b1 ལྟར་བཅོས་པ་དེ་དེ་བཞིན་གཤེགས་པས་མལ་ཆ་དང་། སྟན་གནང་བ་ཐ་མལ་པ་གང་ལ་དགེ་སྦྱོང་གནས་པའི་མལ་ཆ་དང་། སྟན་གང་ཡིན་པ་མི་བླུན་པོ་དེས་སྤངས་ན་ཆོས་གོས
274b2 ལ་ཞེན་ཅིང་ཟང་ཟིང་ལ་ཞེན་ནས་བུད་མེད་དང་འདྲིས་པར་བྱེད་ཅིང་། ཁྱིམ་པ་དང་འདྲིས་པར་བྱེད་ན་འདྲིས་པར་འགྱུར་བའི་མི་བླུན་པོ་དེ་ལ་དགེ་སྦྱོང་གི་ཚུལ་ལྟ་ག་ལ་ཡོད་དེ།
274b3 དེའི་སྟེང་དུ་ཆོས་ཟབ་མོ་རྣམས་ལའང་སུན་འབྱིན་ཅིང་གཤེ་བར་བྱེད་ལ་དེས་ཐོས་སུ་ཟིན་ཀྱང་བསྔགས་པ་མ་ཡིན་པ་རྗོད་པར་བྱེད་དོ། །དགོན་པའི་བསྔགས་པ་མ་ཡིན་བརྗོད
274b4 པར་བྱེད་དོ། །གང་ལ་དེའི་སེམས་མངོན་པར་དགའ་བའི་འདོད་པ་རྣམས་འབའ་ཞིག་གིས་བསྔགས་བརྗོད་པར་བྱེད་ཅིང་གང་ལ་དེའི་སེམས་མངོན་པར་དགའ་བའི་བྲེ་མོའི
274b5 གཏམ་འབའ་ཞིག་གི་བསྔགས་པ་རྗོད་པར་བྱེད་ལ། དགེ་སློང་གི་གནས་གང་ཡང་རུང་བ་དེ་དག་གི་བསྔགས་པ་མ་ཡིན་པ་རྗོད་པར་བྱེད་དོ། །གང་ལ་ལས་དེ་བཞིན་གཤེགས
274b6 པས་མདོའི་ཚིག་ཁྱིམ་ན་གནས་པ་དང་། རབ་ཏུ་བྱུང་བ་རྣམས་དང་། འདུ་འཛིར་མི་འབྱུང་བར་བྱའོ་ཞེས་གསུངས་པའི་མདོའི་ཚིག་དེ་བོར་ནས་དགེ་སྦྱོང་གི་ཚུལ་མི་འདོད་ཅིང
274b7 དགེ་སློང་གི་དངོས་པོ་མི་འདོད་དེ། གཅིག་པུར་འདུག་ཅིང་བུད་མེད་ལ་ཆོས་འཆད་པར་བྱེད་པ་གཞན་དག་ལའང་དེ་ལྟ་བུའི་གཞི་རྣམས་སུ་ལུང་འབོག་པར་བྱེད་པའོ། །དེ
iiif viewer powered by OpenSeadragon
