| e-texts navigator |
| Wylie |
273a1 འདུག་པ་དང་། འགྲེང་བ་དང་། འཆག་པ་དང་། ཉལ་བ་ལ་མཁས་པར་བྱའོ། །རབ་ཏུ་དབེན་པ་དང་། དགོན་པར་དགའ་བ་དང་། ཞི་བའི
273a2 གནས་མལ་སྒྲ་ཆུང་བ། སྐད་ཆུང་བ་དང་། འཇིགས་པའི་ཡིད་ལ་བྱེད་པ་མེད་པ། སྡིག་སྦྲུལ་མེད་པ། མི་མང་པོ་མེད་པ། མིས་དབེན་པ། ནང་དུ་ཡང་དག་པར་འཇོག་དང་འཚམ
273a3 པ་བསྟེན་པར་བྱའོ། །བདག་བསྟོད་པར་ཡང་མི་བྱ། གཞན་སྨོད་པར་ཡང་མི་བྱའོ། །ཚུལ་འཆོས་པ་དང་། ཁ་གསག་མི་བྱའོ། །རྟག་ཏུ་རྒྱུན་མི་ཆད་པར་སྐྱོ་བའི་སེམས
273a4 བསྐྱེད་པར་བྱའོ། །དེས་ཁྱིམ་པ་དང་། རབ་ཏུ་བྱུང་བ་རྣམས་དང་འདུ་ཞིང་འདྲིས་པར་མི་བྱའོ། །སྟོང་པའི་ཆོས་རྣམས་ཀུན་ཏུ་བསྟེན་པར་བྱ། བསྒོམ་པར་བྱ། མང་དུ་བྱའོ། །
273a5 དེས་རིག་པ་དང་མི་ལྡན་པའི་དགེ་སློང་དང་ལྷན་ཅིག་ཕྲད་པ་སྤང་པར་བྱའོ། །དགེ་སློང་མ་དང་འདྲིས་པར་མི་བྱའོ། །འདོད་པ་ཆུང་བར་ཡང་བྱའོ། །རྟག་ཏུ་བདག་ཉིད
273a6 ཀྱི་འཁྲུལ་པ་རྣམས་ལ་སོ་སོར་བརྟག་པར་བྱའོ། །གཞན་གྱི་འཁྲུལ་པ་རྣམས་ལ་བརྟག་པར་མི་བྱའོ། །ཕ་མ་ལའང་ཡིད་བརྟན་པར་མི་བྱ་ན་རིགས་གཞན་ལྟ་ལ་ཅི
273a7 སྨོས|་ཤིན་ཏུ་ཡང་དག་པར་བསྡམ་པ་ཅན་དུ་བྱའོ། །ཉེ་བར་ཞི་བའི་ཆོས་ཀྱི་སྦྱིན་བདག་བྱའོ། །དམིགས་པ་ལ་མཁས་པར་བྱའོ། །དབེན་པའི་གནས་མལ་དུ་གནས
iiif viewer powered by OpenSeadragon
