| e-texts navigator |
| Wylie |
26a1 དགེ་སློང་ལ་མི་དགའ་བ་དང་། གློ་བུར་དུ་འོངས་པ་ལ་བསྟིང་བའི་དང་ཚུལ་ཅན་དང་། བརྩད་དུ་རུང་བའི་འཁྲུལ་པ་འཚོལ་བ་དང་། གནས་ལ་སེར་སྣ
26a2 བྱེད་པ་དང་། ཆོས་ཉན་དུ་མི་འགྲོ་ལ་རྣ་བླགས་ཏེ་མི་ཉན། སེམས་རྣམ་པར་གཡེངས་ཤིང་གཞན་དང་། གཞན་དུ་གཏམ་རླུང་ལ་སྐུར་བར་བྱེད་ཅིང་ཆོས་ཀྱི་གཏམ་ལ་མི་དགའ
26a3 སྟེ|་འདི་སྐད་དུ་ཅི་ཟེར་བ་ངས་མི་ཤེས་སོ། །འདི་ནི་བླུན་པོ་ཡིན་ཏེ། འཇིག་རྟེན་གྱི་ཐ་སྙད་ཀྱི་ཆོས་སྟོན་ཏོ་ཞེས་ཀྱང་ཟེར་ཏེ། གང་འཕགས་པ་རྣམས་ཀྱིས་ཐུགས་སུ་ཆུད་པའི་ཆོས
26a4 འདུལ་བ་ལ་མ་གུས་པ་འདི་ཉིད་མི་བླུན་པོ་དེ་དག་མི་ཤེས་པ་ཡིན་ནོ། །བདག་གིས་ནི་བྱང་ཆུབ་ཐོབ་ནས་གདོད་བྱང་ཆུབ་ཀྱི་ཤིང་དྲུང་དུ་ཆོས་ལ་གུས་པར་གནས་པར་བྱའོ
26a5 ཞེས་ཟེར་ཞིང་། དགེ་སློང་རྣམས་ལ་ཆོས་སྟོན་པ་ནའང་ཕྱི་སྒོ་ན་འགྲེང་ཞིང་འདུག་ལ་ཆོས་ཉན་པར་བྱེད་དེ་སྟན་ལ་འདུག་མི་འདོད་པ་ནའང་དགེ་སློང་དག་ལ་འཚོ་བར
26a6 བྱེད་དེ། བརྒྱད་སྡེའི་བྱང་ཆུབ་ཀྱི་ཡན་ལག་གི་གཏམ་སྟོན་པ་ནའང་བདག་གིས་མཉན་པར་བྱའོ། །དེ་ཐོས་ན་བདག་གིས་ནད་དེ་འབྱང་བར་འགྱུར་རོ་སྙམ་མོ། །དེ་བས
26a7 ན་མི་བླུན་པོ་དེ་དག་ཆོས་མ་ཡིན་པ་འདོད་པས་བྱང་ཆུབ་ཡོངས་སུ་བཙལ་བར་སེམས་པ་དག་ནི། དཔེར་ན། མིའི་མིག་གཉིས་ཕྱུང་ནས་བལྟ་བར་འདོད་པའམ། ནོར
iiif viewer powered by OpenSeadragon
