| e-texts navigator |
| Wylie |
25b1 མེད་གྱུར་ན་ངན་འགྲོར་ལྟུང་བར་འགྱུར། །ལོ་ནི་བྱེ་བ་ཁྲག་ཁྲིག་མཐའ་ཡས་པར། །ངན་སོང་སྡུག་བསྔལ་མང་པོ་དེ་མྱོང་ནས། །མི་ཡི་འཇིག་རྟེན་ཁོམ་པ་ཐོབ་པར་འགྱུར། །སྡིག
25b2 བྱས་ཕྱིར་ཡང་ངན་འགྲོར་ལྟུང་བར་འགྱུར། །ལྕགས་ཀྱི་ཐུ་ལུམ་རྒྱ་མཚོ་ཆེན་པོ་ཡི། །ནང་དུ་ལྟུང་བར་གྱུར་ན་གནས་མེད་དེ། །ལོ་ནི་བྱེ་བ་ཕྲག་སྟོང་སྙེད་དུ་ཡང་། །རྒྱ་མཚོ་ཆེ
25b3 ལས་སླར་ནི་དབྱུང་མི་ནུས། །དེ་བཞིན་བྱིས་པ་ངན་འགྲོར་ལྟུང་བ་ཡང་། །བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ། །དེ་དག་མིར་སྐྱེ་བ་ཡང་ཐེ་ཚོམ་བཅས། །དེ་དག་མཐོ་རིས
25b4 བྱང་ཆུབ་ག་ལ་ཐོབ། །བསམ་པ་དག་ཅིང་རྟག་ཏུ་བརྩོན་པ་དང་། །ལེགས་པར་བསྡམས་ཤིང་གཡོ་སྒྱུ་མེད་པ་དང་། །མཉམ་པའི་སེམས་ཀྱིས་བྱང་ཆུབ་ཐོབ་འགྱུར་ཏེ། །དེ
25b5 ལ་ཐམས་ཅད་མཁྱེན་ཉིད་དཀའ་བ་མེད། །རྒྱལ་པོ་ཆེན་པོ། ཆོས་བཅུ་དྲུག་པོ་འདི་དག་ནི་གང་ཟག་ཕྲག་དོག་ཅན་གྱི་མཚན་མ་ཡིན་པར་རིག་པར་བྱ་སྟེ། བཅུ་དྲུག་གང་ཞེ
25b6 ན|་ཁྭ་ལྟར་སྐྲུ་བ་དང་། མུ་ཅོར་སྨྲ་བ་དང་། ལེགས་པར་མ་བསྡམས་པ་དང་། གཞན་གྱི་བསྔགས་པ་མ་ཡིན་པས་བདེ་བར་འཛིན་པ་དང་། གཞན་གྱི་ཡོན་ཏན་དག་ལ་ཡིད
25b7 མི་ཆེས་པ་དང་། བསམ་པ་མང་བ་དང་། མྱ་ངན་མང་བ་དང་། ཡིད་མི་བདེ་བ་མང་བ་དང་། མིག་སེར་པ་དང་། ཁ་དོག་དང་། དབྱིབས་ཉམས་པ་དང་། ང་རྒྱལ་གྱིས་ནོན་པ་དང་།
iiif viewer powered by OpenSeadragon
