| e-texts navigator |
| Wylie |
253b1 པ་ཞེས་བྱ་བ་རིན་པོ་ཆེ་སྣ་བདུན་གྱིས་བརྒྱན་ཅིང་གསེར་གྱིས་དྲ་བས་གཡོགས་པ། དྲིལ་བུ་གཡེར་ཁ་དཔྱངས་པ། གསེར་གྱིས་སྤྲས་པའི་དར་གྱི་ལྡ་ལྡི་མང་པོས་མཛེས་པར་བྱས
253b2 པ|་བདུག་པས་གདུགས་པ། མེ་ཏོག་སིལ་མས་གཏོར་བ། རྒྱལ་མཚན་དང་བ་དན་སྒྲེང་བ། གདུགས་དང་ར་བས་བརྒྱན་པ། རིན་པོ་ཆེའི་ཤིང་ལྗོན་པས་མཛེས་པར་བྱས་པ།
253b3 སྟེགས་བུ་བདུན་གྱིས་ཁོར་ར་ཁོར་ཡུག་དག་བསྐོར་བ་ལ་ཞོན་ནས་རྒྱལ་པོའི་འབྱོར་པ་ཆེན་པོ་དང་། རྒྱལ་པོའི་མཐུ་ཆེན་པོ་དང་ལྡན་པས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ནས
253b4 བྱུང་སྟེ། སེམས་ཅན་ཐམས་ཅད་ལ་སྦྱིན་པ་དག་སྦྱིན་ཞིང་སོང་བ་ལས་གཞོན་ནུ་རིན་ཆེན་ཟླ་བས་ཐག་རིང་པོ་ཞིག་ནས་བཅོམ་ལྡན་འདས་མཛེས་པ། དང་བར་བྱ་བ། དབང་པོ
253b5 དུལ་བ། ཐུགས་དུལ་བ། ཁ་དོག་བཟང་པོ་རྒྱས་པ་མཆོག་དང་ལྡན་པ། དུལ་བ་དང་། ཞི་བའི་མཆོག་།དུལ་བ་དང་། ཞི་བ་དམ་པའི་ཕ་རོལ་ཏུ་ཕྱིན་པ། གཙོ་བོ་ཆེན་པོ། དབང
253b6 པོ་བསྲུང་བ། དབང་པོ་ཐུལ་བ། མཚོ་ལྟར་དང་ཞིང་གསལ་ལ་རྙོག་པ་མེད་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་མངའ་བ། དཔེ་བྱད་བཟང་པོ་བརྒྱད་ཅུས་བརྒྱན་པའི
253b7 སྐུ་གསེར་གྱི་མཆོད་སྡོང་ལྟར་འཕགས་ལ་དཔལ་གྱི་མཆོག་གིས་ལྷམ་མེ། ལྷན་ནེ། ལྷང་ངེ་སྟེ་གཤེགས་པ་མཐོང་ངོ་། །མཐོང་ནས་ཀྱང་། སེམས་དད་པར་གྱུར་ཏོ། །སེམས
iiif viewer powered by OpenSeadragon
