| e-texts navigator |
| Wylie |
20b1 མེད། །དེ་འདྲ་དེ་དག་བྱང་ཆུབ་མཆོག་གི་སྣོད། །ཆོས་འདོད་པ་ནི་ནང་དང་ཕྱི་རོལ་གྱི། །དངོས་པོ་ཀུན་ལ་སྡུག་འཛིན་ཅི་ཡང་མེད། །ཤེས་པ་རྣམས་ལ་ཕངས་ཤིང་བྱིས་པས
20b2 སྨད། །འདིས་ནི་ཆོས་འདོད་གང་ཡིན་ཤེས་པར་བྱ། །དེ་ཡི་ཕྱིར་ན་རྒྱལ་པོ་ཆོས་འདོད་པ། །འདི་ཐོས་ནས་ནི་བསྒྲུབ་པ་དག་པ་ཡིས། །སྨྲས་པ་ཙམ་དང་ཐོས་ལ་གནས་མ་བྱེད། །
20b3 བསམ་པ་ཉམས་པ་ལ་ནི་ཤེས་རབ་མེད། །ཟབ་མོ་བཟོད་ལ་མོས་པ་གང་ཡིན་དེ། །སྡུག་དང་མི་སྡུག་རྣམ་ལ་ཆགས་པ་མེད། །དེ་དག་རླུང་ལྟར་ཆགས་པ་མེད་པར་ཡང་། །བསྐལ་པ
20b4 བརྒྱ་གྲངས་མཐའ་ཡས་སྤྱོད་པར་འགྱུར། །རྒྱལ་པོ་གལ་ཏེ་བྱང་ཆུབ་ཁྱོད་འདོད་ན། །ལྷག་པའི་བསམ་པས་བསམ་པ་སྦྱང་བར་གྱིས། །བདག་དང་བདག་གི་སྙམ་པའི་ང་རྒྱལ་གྱིས།
20b5 གནས་འདིར་ཕྱིན་ཅི་ལོག་ཏུ་གནས་མ་བྱེད། །ཁྱོད་ཀྱིས་ཉེས་པ་རྟག་ཏུ་བཤགས་པར་གྱིས། །ཁྱོད་ནི་མཐུན་པའི་སྡོམ་ལ་གནས་པར་གྱིས། །དབང་ཕྱུག་དང་ནི་གཉེན་ལ་མི་རྟག
20b6 སོམས། །རྟེན་པ་མེད་པ་འདི་ནི་ཡང་དག་སྟོང་། །སྟོང་པའི་ཆོས་རྣམས་མང་པོ་ཇི་སྙེད་སྨྲ། །སྟོང་ཉིད་ཇི་བཞིན་དེ་ལ་གནས་པ་མིན། །ཆོས་ཉིད་ལས་ནི་གང་གི་འགལ་བྱས་པ། །
20b7 དེ་ནི་ཟབ་མོའི་ཚུལ་ལ་བཟོད་པ་མིན། །དེ་ཕྱིར་སྟོང་པ་འདི་ན་ཀུན་ཏུ་འགལ། །སྟོང་ཉིད་ཇི་བཞིན་དེ་ནི་གང་གིས་ཤེས། །དེ་ནི་ངང་པའི་རྒྱལ་པོས་རྫ་བ་སྤངས་ཤིང་། །ཁམས་ལས
iiif viewer powered by OpenSeadragon
