| e-texts navigator |
| Wylie |
19a1 དམ་པའི་ཆོས་ཡོངས་སུ་གཟུང་བའི་ཕྱིར་རྣམ་པར་ངེས་པ་ལ་མཁས་པ་དང་། གང་ཟག་གང་དག་མངོན་པར་བརྩོན་པ་དེ་དག་གི་གོས་དང་། ཟས་དང་། མལ་ཆ
19a2 དང་། སྟན་དང་། ནད་ཀྱི་གསོས་སྨན་དང་། ཡོ་བྱད་རྣམས་བསྟབས་པས་ཡོངས་སུ་མི་སྐྱོ་བ་དང་། བྱང་ཆུབ་ཡང་དག་པར་འཛིན་དུ་འཇུག་པ་ལ་བརྩོན་པ་དང་། ལེགས་པར་བསམ
19a3 པ་སེམས་པ་དང་། ལེགས་པར་སྨྲ་བས་སྨྲ་བ་དང་། ལེགས་པའི་ལས་བྱེད་པ་དང་། རབ་ཏུ་འབྱུང་བ་སེམས་པ་དང་། རྒྱལ་པོ་ལ་དགའ་བ་ལ་སྐྱོན་དུ་རྟོག་པ་དང་། གཟུགས་སྡུག
19a4 ཅིང་གཟུགས་བཟང་བ་ཐམས་ཅད་ལ་མི་ལྟ་བའི་ཡིད་དང་ལྡན་པ་དང་། ཐ་ན་རྒྱལ་པོ་གཅིག་པུར་སྲེད་པས་བསྒྲུབ་པ་ལའང་མི་ལྟ་བའི་ཡིད་དང་ལྡན་པ་སྟེ། བཅུ་པོ་འདི་དག
19a5 ཡིན་ནོ། །རྒྱལ་པོ་ཆན་པོ། ཆོས་བཞི་པོ་འདི་དག་དང་ལྡན་པའི་རྒྱལ་རིགས་སྤྱི་བོ་ནས་དབང་བསྐུར་བའི་རྒྱལ་པོ་ནི་ཇི་སྐད་སྨོས་པའི་ཡོན་ཏན་དེ་དག་ཐོབ་པར་འགྱུར་རོ། །
19a6 རྒྱལ་པོ་ཆེན་པོ། གཞན་ཡང་རྒྱལ་རིགས་སྤྱི་བོ་ནས་དབང་བསྐུར་བའི་རྒྱལ་པོ་ནི་གང་ཟག་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་བསྐལ་པ་གྲངས
19a7 མེད་པ་བྱེ་བ་ཁྲག་ཁྲིག་ཕྲག་འབུམ་གྱིས་ཡང་དག་པར་བསྒྲུབ་པ་འདི་འཛིན་པ་དང་། ཀློག་པ་དང་། སྟོན་པ་དེ་དག་ལ་ཆོས་བཞིན་དུ་བསྲུང་བ་དང་། སྐྱོབ་པ་དང་། སྦེད
iiif viewer powered by OpenSeadragon
