| e-texts navigator |
| Wylie |
157b1 ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་དཔུང་དང་བཅས། གཡོག་དང་བཅས་པ་འདི་དག་དེ་བཞིན་གཤེགས་པའི་སྤྱན
157b2 སྔར་དམ་བཅས་ཏེ། གང་ན་ཆོས་ཀྱི་རྣམ་གྲངས་འདི་རབ་ཏུ་སྤྱོད་པར་འགྱུར་བའི་ལྗོངས་ཀྱི་ཕྱོགས་དེར་ཆོས་ཉན་པ་དང་། ཆོས་སྨྲ་བ་དག་ལ་བདུད་ཀྱི་ལས་མི་བགྱིད་པའི་སྟེང་དུ་བསྲུང་བ
157b3 དང་། བསྐྱབ་པ་དང་། སྦ་བར་ཡང་བགྱིའོ། །དེ་ནས་བཅོམ་ལྡན་འདས་ཀྱིས་འོད་གསེར་གྱི་ཁ་དོག་ལྟ་བུས་སངས་རྒྱས་ཀྱི་ཞིང་འདི་ཁྱབ་པར་མཛད་དེ། འཇམ་དཔལ་གཞོན་ནུར་གྱུར་པ་ལ
157b4 འདི་སྐད་ཅེས་བཀའ་སྩལ་ཏོ། །འཇམ་དཔལ། འདི་ལྟ་སྟེ། སྐྱེས་བུ་དམ་པ་དམ་པའི་ཆོས་ཡོངས་སུ་འཛིན་པ་དེ་དག་གི་དམ་པའི་ཆོས་ཡོངས་སུ་གཟུང་བར་བྱ་བའི་ཕྱིར་ཆོས་ཀྱི་རྣམ་གྲངས
157b5 འདི་དེ་བཞིན་གཤེགས་པས་བྱིན་གྱིས་བརླབས་སོ། །འཇམ་དཔལ། ཆོས་ཀྱི་རྣམ་གྲངས་འདི་ཡུན་ཇི་སྲིད་དུ་ཛམྦུ་གླིང་འདིར་སྤྱོད་པར་འགྱུར་བ་ཡུན་དེ་སྲིད་དུ་དམ་པའི་ཆོས་ནུབ་པར་མི
157b6 འགྱུར་རོ། །དེ་ནས་འཁོར་དེ་དག་ཐམས་ཅད་དགའ་མགུ་རངས་ཡིད་བདེ་བར་གྱུར་ནས་སྤོས་ཐམས་ཅད་དང་། ཕྲེང་བ་ཐམས་ཅད་དང་། བྱུག་པ་ཐམས་ཅད་དང་། མེ་ཏོག་ཐམས་ཅད
157b7 དང་། ཕྱེ་མ་ཐམས་ཅད་ཀྱིས་དེ་བཞིན་གཤེགས་པ་ལ་མངོན་པར་གཏོར་ནས་ཚིག་ཀྱང་འདི་སྐད་དུ། ཨེ་མའོ། ཆོས་ཀྱི་རྣམ་གྲངས་འདི་ཛམྦུའི་གླིང་ན་ཡུན་རིང་དུ་གནས་པ་དང་། རྒྱས་པར
iiif viewer powered by OpenSeadragon
