| e-texts navigator |
| Wylie |
157a1 པར་འོས་པ་ལགས་སོ། །དེ་ནས་ཚངས་པ་མི་མཇེད་ཀྱི་བདག་པོས་བཅོམ་ལྡན་འདས་ལ་ཚིགས་སུ་བཅད་པ་འདི་སྐད་ཅེས་གསོལ་ཏོ། །དགེ་སློང་དང
157a2 ནི་དགེ་སློང་མ། །དགེ་བསྙེན་དང་ནི་དགེ་བསྙེན་མ། །གང་རྣམས་མདོ་སྡེ་འདི་འཛིན་པ། །སྐྱེ་བོ་ཀུན་གྱི་མཆོད་རྟེན་དེ། །གལ་ཏེ་མདོ་སྡེ་འདི་ལ་ནི། །སེམས་ཅན་གཅིག་འགའ
157a3 བཙུད་ན་ཡང་། །འགྲོ་བའི་མགོན་པོ་བདག་སྤྲོའོ། །ཆོས་སྨྲ་བ་ནི་དེ་དག་ལ། །ཁྲི་སྟན་གང་ལ་དེ་མཆིས་ཏེ། །མདོ་སྡེ་འདི་ནི་རབ་སྟོན་པར། །ཚངས་པའི་འཇིག་རྟེན་མན་ཆད
157a4 དུ|་|མེ་ཏོག་དགྲམ་པར་བདག་སྤྲོའོ། །གང་གི་ལག་ནས་མདོ་སྡེ་འདི། །ཕྱི་མའི་དུས་ན་ཐོས་པར་འགྱུར། །དེ་ལ་ཨ་ལ་ལ་ཞེས་ནི། །ལེགས་སྨྲས་ལེགས་ཞེས་བརྗོད་པར་བགྱི། །
157a5 གང་ན་མདོ་སྡེ་འདི་མཆིས་པར། །མེ་ཡི་ཕུང་པོས་གང་བ་ཡི། །བྱེ་བ་སྙེད་ཀྱིས་ཞིང་བརྒལ་ནས། །སྐྱོ་མི་འཚལ་བར་མཆི་བར་བགྱི། །རིན་ཆེན་ཕུང་པོ་རི་རབ་ཙམ། །དགའ་བཞིན
157a6 དུ་ནི་ཕུལ་ནས་ཀྱང་། །སངས་རྒྱས་ཀྱི་ཡང་ལམ་སྦྱོང་བ། །མདོ་སྡེ་འདི་ནི་མཉན་པར་བགྱི། །དེ་ནས་བཅོམ་ལྡན་འདས་ཀྱིས་དེའི་ཚེ་རྫུ་འཕྲུལ་མངོན་པར་འདུ་བྱ་བ་འདི་ལྟ་བུ་མཛད་དེ།།
157a7 རྫུ་འཕྲུལ་མངོན་པར་འདུ་བྱ་བ་ཇི་ལྟ་བུར་མངོན་པར་འདུས་བྱས་པས་བདུད་སྡིག་ཏོ་ཅན་དཔུང་གི་སྟོབས་བཞི་དང་། བཅོམ་ལྡན་འདས་ག་ལ་བ་དེར་དོང་སྟེ་ལྷགས་པ་དང་། བཅོམ
iiif viewer powered by OpenSeadragon
