| e-texts navigator |
| Wylie |
156a1 མ་འདྲེས་བསྐལ་པ་བྱེད་དུ་གནས། །དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གཡོག་བརྒྱ་སྟོང་ཕྲག་དུ་མ་དང་བཅས་པས་འདི་སྐད་ཅེས་གསོལ་ཏོ། །
156a2 བཅོམ་ལྡན་འདས། བདག་གིས་ཀྱང་ཆོས་སྨྲ་བ་མདོ་སྡེ་འདི་འཆང་བ་དེ་དག་བསྲུང་བ་དང་། ཡོངས་སུ་བསྲུང་བར་བགྱིའོ། །བསྙེན་བཀུར་དང་། རིམ་གྲོའང་བགྱིའོ། །གང་ན་ཆོས་ཀྱི་རྣམ
156a3 གྲངས་འདི་ཡི་གེར་འདྲི་བའམ། ཀློག་པ་དེར་ཅི་ནས་ཀྱང་ཆོས་སྨྲ་བ་དེའི་སྟོབས་དང་། མཐུ་དང་། ཆོས་ཀྱི་མཚམས་སྦྱོར་བ་སྤོབས་པར་འགྱུར་བར་བདག་འཁོར་དང་བཅས་ཏེ་ཆོས
156a4 ཉན་དུ་མཆིའོ། །དེ་ནས་ལྷའི་དབང་པོ་བརྒྱ་བྱིན་གྱི་བུ་སྤེད་བྱེད་ཅེས་བྱ་བ་དེས་དོ་ཤལ་རིན་པོ་ཆེ་ཐམས་ཅད་ཀྱིས་སྤྲས་པ་དེ་བཞིན་གཤེགས་པ་ལ་ཕུལ་ནས་ཚིགས་སུ་བཅད་པ་འདི
156a5 དག་གསོལ་ཏོ། །ཐུབ་པ་བདག་འདིར་མངོན་སུམ་སྟེ། །ཇི་ལྟར་ཁྱོད་ཀྱིས་སྔོན་སྤྱད་པ། །དེ་བཞིན་བདག་ཀྱང་སངས་རྒྱས་ཀྱི། །ཡེ་ཤེས་ཚོལ་བས་བསྒྲུབ་པར་བགྱི། །ཁྱོད་ཀྱིས་སྔོན་ཆད་མ
156a6 སྩལ་ཅིང་། །ཡོངས་སུ་མ་བཏང་ཅི་མ་མཆིས། །བདོག་པ་ཐམས་ཅད་གཏོང་བ་ཡི། །བདག་ཀྱང་རྗེས་སུ་བསླབ་པར་བགྱི། །ཁྱོད་ཀྱི་མདོ་སྡེ་འདི་ཡང་ནི། །འཇིག་རྟེན་མགོན་ལས་མངོན
156a7 དུ་བླངས། །ཡང་དང་ཡང་དུ་བཤད་པར་བགྱི། །བདག་པོ་ཁྱོད་ལ་བགྱིས་པར་གཟོ། །མདོ་སྡེ་འདི་ལ་སུ་དགའ་བ། །དེ་དག་བདག་གི་སྟོན་པ་འདྲ། །བདག་ནི་སངས་རྒྱས་ཆོས་འཚལ
iiif viewer powered by OpenSeadragon
