| e-texts navigator |
| Wylie |
155b1 ཕ་རོལ་ལ་ཡང་བསྟན་པར་བགྱི། །བདག་གི་བསམ་པ་དེ་འདྲའོ། །བཅོམ་ལྡན་འདས་ཀྱིས་བདག་སེམས་དང་། །སྔོན་གྱི་སྤྱོད་པ་ཅི་འདྲ་མཁྱེན། །ཇི་ལྟར་བདག་གི་སེམས་འདུད་པ། །བདག་ནི་འཇིག
155b2 རྟེན་རྣམས་འདྲེན་གྱུར། །སངས་རྒྱས་དཔག་མེད་སྐྱོབ་པ་ལ། །བདག་གིས་གདུགས་འདི་ཕུལ་བ་ཡིས། །བདག་ནི་ཐུབ་པ་ཁྱོད་འདྲ་བར། །སྤྱི་གཙུག་ལྟར་ཡང་མི་གདར་འགྱུར། །སངས་རྒྱས
155b3 སྐྱེས་བུ་དམ་པ་ཡང་། །བདག་གི་བྱམས་པས་བལྟས་པ་ཡིས། །ཡོངས་སུ་དག་པའི་མིག་ཐོབ་སྟེ། །རྒྱལ་བ་མ་ཕམ་བལྟ་བར་བགྱི། །ཡེ་ཤེས་ཕ་རོལ་ཕྱིན་པ་ཡི། །སྟོན་པས་དེ་ནས་ལུང་བསྟན་ཏེ། །
155b4 ཁྱོད་ནི་འདི་ནས་ཕྱི་དུས་ན། །དགའ་ལྡན་དུ་ཡང་སྐྱེ་བར་འགྱུར། །དགའ་ལྡན་ནས་ནི་ཤི་འཕོས་ནས། །རྒྱལ་བ་བྱམས་པ་མཐོང་བར་འགྱུར། །བསྐལ་པ་སྟོང་ཕྲག་ཉི་ཤུར་ནི། །མཆོད་པ་བྱས
155b5 ནས་འབྱུང་བར་འགྱུར། །ཁྱོད་ནི་རབ་ཏུ་བྱུང་ནས་ཀྱང་། །ཚངས་པར་སྤྱད་པ་རབ་སྤྱད་དེ། །བསྐལ་པ་བཟང་འདིར་གང་བྱུང་བ། །བདག་པོ་དེ་དག་མཐོང་བར་འགྱུར། །ཐམས་ཅད་ལ་ཡང
155b6 མཆོད་བྱས་ཏེ། །ཚངས་པར་སྤྱོད་པ་སྤྱད་ནས་ནི། བསྐལ་པ་བྱེ་བ་དྲུག་ཅུ་ན། །དེ་ནས་ཁྱོད་ནི་སངས་རྒྱས་འགྱུར། །སངས་རྒྱས་ཞིང་ནི་ལེགས་བརྒྱན་པ། །རིན་ཆེན་གདུགས་ཞེས་བྱ་བར་ནི།
155b7 བྱང་ཆུབ་སེམས་དཔའ་ཤ་སྟག་ལ། །ཁྱོད་ནི་ཆོས་རྣམས་སྟོན་པར་འགྱུར། །ཚེ་ཡི་ཚད་ནི་བསྐལ་པར་འགྱུར། །སེམས་ཅན་རྣམས་ལ་ཕན་པའི་ཕྱིར། །མྱ་ངན་འདས་པའི་དམ་ཆོས་ཀྱང་། །
iiif viewer powered by OpenSeadragon
