| e-texts navigator |
| Wylie |
155a1 གནོད་སྦྱིན་ནམ། གྲུལ་བུམ་གྱིས་གླགས་མི་རྙེད་དོ། །དེ་ནས་རྒྱལ་པོ་ཆེན་པོ་འཕགས་སྐྱེས་པོས་ཚིགས་སུ་བཅད་པ་འདི་སྐད་ཅེས་གསོལ་ཏོ། །
155a2 བདག་ལ་བུ་དང་གཉེན་བཤེས་དང་། །བྲན་དང་འཁོར་རྣམས་ཅི་མཆིས་པ། །དེ་དང་བདག་ཅག་གྲོགས་བཅས་པས། །བདག་པོ་དེ་དག་རིམ་གྲོ་བགྱི། །དེ་ནས་རྒྱལ་པོ་ཆེན་པོ་མིག་མི་བཟང
155a3 གིས་ཚིགས་སུ་བཅད་པ་འདི་སྐད་ཅེས་གསོལ་ཏོ། །བདག་ནི་ཆོས་ཀྱི་རྒྱལ་པོའི་སྲས། །ཆོས་ལས་སྐྱེས་པ་ཆོས་ཀྱི་སྤྲུལ། །ཁྱོད་ཀྱི་སྲས་གང་བྱང་ཆུབ་ཏུ། །ཞུགས་པ་དེ་དག་རིམ་གྲོ་བགྱི། །
155a4 དེ་ནས་རྒྱལ་པོ་ཆེན་པོ་ཡུལ་འཁོར་སྲུང་གིས་ཚིགས་སུ་བཅད་པ་འདི་སྐད་ཅེས་གསོལ་ཏོ། །སངས་རྒྱས་གསུངས་པའི་མདོ་སྡེ་འདི། །གང་དག་འཛིན་པར་འགྱུར་བ་རྣམས། །དེ་དག་ཕྱོགས
155a5 བཅུ་རྣམས་སུ་ཡང་། །བདག་གིས་ཀུན་ཏུ་བསྲུང་བར་བགྱི། །དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུས་ཚིགས་སུ་བཅད་པ་འདི་སྐད་ཅེས་གསོལ་ཏོ། །གང་དག་བྱང་ཆུབ་ཕྱིར་བརྩོན་པ། །
155a6 དེ་ལ་ཅི་འདྲ་འོས་པ་ཡི། །དེ་འདྲའི་མཆོད་པར་བགྱི་བ་ནི། །སེམས་ཅན་ཀུན་གྱིས་མི་ནུས་སོ། །དེ་ནས་བཅོམ་ལྡན་འདས་ལ་རྒྱལ་པོ་ཆེན་པོ་རྣམ་ཐོས་ཀྱི་བུ་བདེན་པའི་ཟླ་བ་ཞེས་བྱ་བ་དེས
155a7 རིན་པོ་ཆེ་སྣ་བདུན་ལས་བྱས་པའི་གདུགས་གསོལ་ནས་ཚིགས་སུ་བཅད་པ་འདི་སྐད་ཅེས་གསོལ་ཏོ། །དེ་བཞིན་གཤེགས་ལས་བདག་ཉིད་ཀྱིས། །ཆོས་ཀྱི་རྣམ་གྲངས་གཟུང་བར་བགྱི།།
iiif viewer powered by OpenSeadragon
