| e-texts navigator |
| Wylie |
154b1 ཅིང་བ་སྤུ་ལངས་པར་གྱུར་ཏེ། གཡོག་བརྒྱ་སྟོང་ཕྲག་དུ་མ་དང་། བཅོམ་ལྡན་འདས་ག་ལ་བ་དེར་དོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ
154b2 ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་རྒྱལ་པོ་ཆེན་པོ་བཞི་པོ་འདི་དག་ནི། རྒྱུན་དུ་ཞུགས་པ། དེ་བཞིན་གཤེགས་པའི་བཀའ་སྒྲུབ
154b3 པར་བགྱིད་པ་སྟེ། གཉེན་བཤེས་དང་བཅས། འཁོར་དང་བཅས་པས་རིགས་ཀྱི་བུ་དང་། རིགས་ཀྱི་བུ་མོ་ཆོས་སྨྲ་བ་དང་། ཆོས་སྟོན་པ་གང་མདོ་སྡེ་འདི་ལྟ་བུ་འདི་འཆང་བ་དང་། ཀློག་པ་དེ
154b4 དག་ལ|་བཅོམ་ལྡན་འདས། བདག་ཅག་རྒྱལ་པོ་བཞིས་བསྲུང་བ་དང་། བསྐྱབ་པ་དང་། སྦ་བར་བགྱིའོ། །དེ་དག་གྲོང་ངམ། གྲོང་ཁྱེར་རམ། ལྗོངས་སམ། ལྗོངས་ཀྱི་ཕྱོགས་གང་ན
154b5 གནས་ཀྱང་རུང་། ཁྱིམ་པའམ། རབ་ཏུ་བྱུང་བའང་རུང་སྟེ། བཅོམ་ལྡན་འདས། བདག་ཅག་རྒྱལ་པོ་བཞི་སྟོབས་དང་བཅས། འཁོར་དང་བཅས་པས་རིགས་ཀྱི་བུའམ། རིགས་ཀྱི
154b6 བུ་མོ་དེ་དག་གི་རིམ་གྲོ་བགྱི་བར་བདག་ཅག་སྤྲོའོ། །བསྲུང་བ་དང་། བསྐྱབ་པ་དང་། སྤྲོ་བ་དང་། སྤོབས་པ་དང་། གཞན་གྱིས་གནོད་པར་མི་བགྱི་ཞིང་མི་གཙེ་བར་བགྱི་བའི་སླད་དུ
154b7 བདག་ཅག་སྤྲོའོ། །བཅོམ་ལྡན་འདས། ཕྱོགས་གང་ན་ཆོས་ཀྱི་རྣམ་གྲངས་འདི་རབ་ཏུ་སྤྱོད་པར་འགྱུར་བའི་ས་ཕྱོགས་དེར་དཔག་ཚད་བརྒྱ་ཁོ་ར་ཁོར་ཡུག་ཏུ་ལྷའམ། ཀླུའམ།
iiif viewer powered by OpenSeadragon
