| e-texts navigator |
| Wylie |
154a1 འཇམ་དཔལ། སྔགས་ཀྱི་ཚིག་འདི་རབ་ཏུ་གདོན་པར་བྱའོ། །འཇམ་དཔལ། དེ་ལྟར་ན་ཆོས་སྨྲ་བ་དེ་ཚེ་འདི་ཉིད་ལ་སྟོབས་བསྐྱེད་པ་བཅུ་རབ་ཏུ་འཐོབ་བོ། །
154a2 བཅུ་གང་ཞེ་ན། མི་བརྗེད་པའི་ཆོས་ཉིད་པས་དྲན་པའི་སྟོབས་བསྐྱེད་པ་དང་། ཆོས་རབ་ཏུ་འབྱེད་པ་ལ་མཁས་པས་བློ་གྲོས་ཀྱི་སྟོབས་བསྐྱེད་པ་དང་། མདོ་སྡེའི་ཆུལ་ཁོང་དུ་ཆུད
154a3 པས་རྟོགས་པའི་སྟོབས་བསྐྱེད་པ་དང་། སྡོམ་པ་དང་། སྤྱོད་པ་མི་གཏོང་བས་དད་པའི་སྟོབས་བསྐྱེད་པ་དང་། བདག་དང་། གཞན་སྲུང་བས་ངོ་ཚ་ཤེས་ཤིང་ཁྲེལ་ཡོད་པའི་སྟོབས
154a4 བསྐྱེད་པ་དང་། ཤེས་རབ་ཡོངས་སུ་རྫོགས་པས་ཐོས་པའི་སྟོབས་བསྐྱེད་པ་དང་། ཐོས་པ་ཐམས་ཅད་ཡོངས་སུ་འཛིན་པས་གཟུངས་ཀྱི་སྟོབས་བསྐྱེད་པ་དང་། སངས་རྒྱས་ཀྱི
154a5 བྱིན་གྱིས་ཡོངས་སུ་བཟུང་བས་སྤོབས་པའི་སྟོབས་བསྐྱེད་པ་དང་། མངོན་པར་ཤེས་པ་ལྔ་རབ་ཏུ་ཐོབ་པས་ཟབ་མོའི་སྟོབས་བསྐྱེད་པ་དང་། མྱུར་དུ་ཐམས་ཅད་མཁྱེན་པའི
154a6 ཡེ་ཤེས་ཡོངས་སུ་རྫོགས་པས་མི་སྐྱེ་བའི་ཆོས་ལ་བཟོད་པའི་སྟོབས་བསྐྱེད་པ་སྟེ། འཇམ་དཔལ། སྤྱོད་པ་ལ་ཞུགས་པའི་ཆོས་སྨྲ་བ་གང་རིག་པ་དང་། སྔགས་ཀྱི་ཚིག་འདི་རབ་ཏུ
154a7 འདོན་པ་དེ་ནི་སྟོབས་བསྐྱེད་པ་དེ་བཅུ་རབ་ཏུ་ཐོབ་པར་འགྱུར་རོ། །རིག་པ་དང་། སྔགས་ཀྱི་ཚིག་བསྟན་པ་འདི་བཅོམ་ལྡན་འདས་ཀྱིས་བཤད་པའི་ཚེ་རྒྱལ་པོ་ཆེན་པོ་བཞི་སྐྲག
iiif viewer powered by OpenSeadragon
