| e-texts navigator |
| Wylie |
140a1 ལ་ལེགས་སོ་ཞེས་བྱ་བ་བྱིན་ནས། ཚངས་པ་ཁྱད་པར་སེམས་ལ་བཀའ་སྩལ་པ། ཚངས་པ། ལྷའི་བུ་འདི་ཇི་སྐད་སྟོན་པ་དེ་བཞིན་ནོ། །འདི་ནི་དེའི་བརྩོན་འགྲུས
140a2 རྩོམ་པའི་མཆོག་སྟེ། གང་ལུས་ཀྱི་རྩོམ་པའང་མེད། ངག་གི་རྩོམ་པ་མེད། ཡིད་ཀྱི་རྩོམ་པའང་མེད་པ་འདི་ནི་བརྩོན་འགྲུས་རྩོམ་པའི་མཆོག་གོ་།ཚངས་པ། ངས་མངོན་པར་ཤེས
140a3 པ་ཨ་འདས་པའི་དུས་ན་སྦྱངས་པའི་ཡོན་ཏན་ཡོ་བྱད་བསྙུངས་པ་ཐམས་ཅད་ཡང་དག་པར་བླང་པའི་བརྩོན་འགྲུས་བརྩམས་ཀྱང་དེ་བཞིན་གཤེགས་པ་དེ་དག་གིས་བླ་ན་མེད་པ་ཡང
140a4 དག་པར་རྫོགས་པའི་བྱང་ཆུབ་ཏུ་ལུང་མ་བསྟན་ཏོ། །དེ་བཞིན་དུ་བླ་མ་རྣམས་ལ་ལྡང་བ་དང་། རིམ་གྲོ་བྱ་བ་དང་། དགོན་པར་གནས་པ་དང་། མང་དུ་ཐོས་པ་དང་། སེམས་ཅན
140a5 རྣམས་ཀྱི་བྱ་བ་ལ་ཀུན་ཏུ་འགྲོ་བའི་བརྩོན་འགྲུས་བརྩམས་ཀྱང་ང་ལུང་མ་བསྟན་ཏོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་ལུས་དང་། ངག་དང་། སེམས་ཀྱི་རྩོམ་པ་ལ་རབ་ཏུ་གནས་པའི
140a6 ཕྱིར་རོ། །ཚངས་པ། ནམ་ང་ལྷའི་བུ་འདིས་ཇི་སྐད་དུ་བསྟན་པའི་བརྩོན་འགྲུས་རྩོམ་པ་དེ་ལྟ་བུ་དང་། ལྡན་པར་གྱུར་པ་དེའི་འོག་ཏུ་ང་དེ་བཞིན་གཤེགས་པ་མར་མེ་མཛད་ཀྱིས་བྲམ
140a7 ཟེའི་ཁྱེའུ་ཁྱོད་མ་འོངས་པའི་དུས་ན་ཤཱཀྱ་ཐུབ་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ་ཞེས་ལུང་བསྟན་ཏོ། །ཚངས་པ།
iiif viewer powered by OpenSeadragon
