| e-texts navigator |
| Wylie |
139b1 དངོས་པོ་མེད་པར་མི་ལྟུང་བ་དང་། ཆོས་གང་ཡང་དངོས་པོར་ཡང་མི་བྱེད། དངོས་པོ་མེད་པར་མི་བྱེད་པར་སྒོམ་པ་སྟེ། དེ་ལྟར་བསྒོམ་ན་ལམ་སྒོམ་པ་ལ་བརྩོན་པ་ཡིན་ནོ། །སྨྲས་པ།
139b2 ལྷའི་བུ|་གང་གིས་ལམ་བསྒོམ་པར་བྱ། སྨྲས་པ། ཚངས་པ། མཐོང་བས་མ་ཡིན། ཐོས་པས་མ་ཡིན། དྲན་པས་མ་ཡིན། རྣམ་པར་རིག་པས་མ་ཡིན། ཐོབ་པས་མ་ཡིན། མངོན་དུ
139b3 བྱས་པས་མ་ཡིན་ཏེ། གང་ཆོས་ཐམས་ཅད་ལ་མི་སྒོམ་པ་འདི་ནི་ལམ་སྒོམ་པའོ། །སྨྲས་པ། ལྷའི་བུ། ཇི་ལྟར་ན་བྱང་ཆུབ་སེམས་དཔའ་བརྩོན་འགྲུས་ཀྱི་གོ་ཆ་སྲ་བ་བགོས་པ་ཞེས་བྱ། །
139b4 སྨྲས་པ|་ཚངས་པ། བྱང་ཆུབ་སེམས་དཔའ་གང་ཆོས་གང་ལའང་གཅིག་པའམ། ཐ་དད་པར་ཡང་དག་པར་རྗེས་སུ་མི་མཐོང་བ་འདི་ནི་བྱང་ཆུབ་སེམས་དཔའ་བརྩོན་འགྲུས་ཀྱི་གོ
139b5 ཆ་སྲ་བ་བགོས་པ་ཞེས་བྱའོ། །གང་ཆོས་ཀྱི་དབྱིངས་མ་འདྲེས་པའི་ཕྱིར་ཆོས་གང་ལའང་འབྱེད་པར་མི་བྱེད། སྦྱོར་བར་མི་བྱེད་དེ། ཆོས་ཀྱི་དབྱིངས་མ་གཏོགས་པར་ཀུན་ནས་ཉོན
139b6 མོངས་པ་དང་། རྣམ་པར་བྱང་བ་མི་མཐོང་བ་འདི་ནི་བྱང་ཆུབ་སེམས་དཔའི་བརྩོན་འགྲུས་རྩོམ་པའི་མཆོག་གོ་།གང་ཆོས་ཐམས་ཅད་ལ་བསལ་བ་དང་། བཞག་པ་མེད་པ་འདི་ནི
139b7 བརྩོན་འགྲུས་རྩོམ་པའོ། །ཚངས་པ། གང་ལ་ལུས་དང་། ངག་དང་། ཡིད་ཀྱི་རྩོམ་པ་མེད་པ་འདི་ནི་བརྩོན་འགྲུས་རྩོམ་པའོ། །དེ་ནས་བཅོམ་ལྡན་འདས་ཀྱིས་ལྷའི་བུ་ཕྱིར་མི་ལྡོག་པ
iiif viewer powered by OpenSeadragon
