| e-texts navigator |
| Wylie |
139a1 པ|་གང་གནས་མེད་པ་དེ་ནི་ཚངས་པར་སྤྱོད་པ་ལ་གནས་པའོ། །སྨྲས་པ། ལྷའི་བུ། དེ་ལྟར་གང་ལ་གནས་པ་མེད་པ་དེ་ནི་ཚངས་པར་སྤྱོད་པ་ལ་གནས་པ་ཡིན།
139a2 སྨྲས་པ|་ཚངས་པ། གང་ཁམས་གསུམ་ལ་མི་གནས་པ་དེ་ནི་ཚངས་པར་སྤྱོད་པ་ལ་གནས་སོ། །ཚངས་པ། གང་ཡང་ཁམས་གསུམ་ལ་གནས་པ་དེ་ནི་ཚངས་པར་སྤྱོད་པ་ལ་གནས
139a3 མ་ཡིན་ནོ། །གཞན་ཡང་། ཚངས་པ། གང་བདག་ལ་མི་གནས། སེམས་ཅན་དང་། སྲོག་དང་། གང་ཟག་ལ་མི་གནས་པ་དེ་ནི་ཚངས་པར་སྤྱོད་པ་ལ་གནས་པ་ཡིན་ཏེ། ཚངས་པ། མདོར
139a4 ན་གང་ཆོས་ཐམས་ཅད་ལ་མི་གནས་པ་དེ་ནི་ཚངས་པར་སྤྱོད་པ་ལ་གནས་པའོ། །སྨྲས་པ། ལྷའི་བུ། ཚངས་པར་སྤྱོད་པ་ལ་གནས་པ་ཞེས་བྱ་བ་དེ་གང་གི་ཆིག་བླ་དྭགས་ཡིན། སྨྲས
139a5 པ|་ཚངས་པར་སྤྱོད་པ་ལ་གནས་ཞེས་བྱ་བ་ནི་ཚངས་པ་གཉིས་སུ་མེད་པའི་ལམ་ལ་རབ་ཏུ་གནས་པའི་ཚིག་བླ་དྭགས་སོ། །སྨྲས་པ། ལྷའི་བུ། ལམ་ལ་རབ་ཏུ་གནས་པའང་ཅི་ལ
139a6 རབ་ཏུ་གནས་པ་ཡིན། སྨྲས་པ། ཚངས་པ། ལམ་ལ་རབ་ཏུ་གནས་པ་ཞེས་བྱ་བ་དེ་ཆོས་ཐམས་ཅད་ལ་རབ་ཏུ་གནས་པ་མེད་པའི་ཚིག་བླ་དྭགས་སོ། །དེ་ཅིའི་ཕྱིར་ཞེ་ན། རབ་ཏུ
139a7 གནས་པ་མེད་པ་དང་། ལེན་པ་མེད་པ་དེ་ནི་ལམ་ལ་རབ་ཏུ་གནས་པའོ། །སྨྲས་པ། ལྷའི་བུ། ཇི་ལྟར་བསྒོམ་ན་ལམ་སྒོམ་པ་ཡིན། སྨྲས་པ། ཚངས་པ། ཇི་ནས་ཀྱང་དངོས་པོ་དང
iiif viewer powered by OpenSeadragon
