| e-texts navigator |
| Wylie |
138b1 པ|་འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་། མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་རི་རབ་སྒྲོན་མའི་རྒྱལ་པོ་ཞེས་བྱ་བ་འཇིག་རྟེན་དུ་འབྱུང
138b2 པར་འགྱུར་ཏེ། དེའི་སངས་རྒྱས་ཀྱི་ཞིང་དེའང་བཻ་ཌཱུཪྱ་དང་། ཛམྦུ་ཆུ་བོའི་གསེར་དང་། རིན་པོ་ཆེ་གཉིས་ཀྱི་གཞིར་འགྱུར་རོ། །དེའི་བྱང་ཆུབ་སེམས་དཔའ་དགེ་འདུན་འབའ་ཞིག་འབྱུང
138b3 སྟེ|་བདུད་དང་། ཕྱིར་རྒོལ་བ་བཅོམ་ཞིང་དཔའ་བོ་ཤ་སྟག་གོ། སངས་རྒྱས་ཀྱི་ཞིང་དེ་ན་བཟའ་བ་དང་། བཏུང་བའང་བསམ་པ་ཙམ་གྱིས་འབྱོར་ཅིང་དགའ་ལྡན་གྱི་ལོངས་སྤྱོད་དང་འདྲ
138b4 བར་འགྱུར་རོ། །དེ་བཞིན་གཤེགས་པ་དེ་ཚེ་དཔག་ཏུ་མེད་ཅིང་ལྟུང་བ་མེད་པའི་ཆོས་སྟོན་པར་འགྱུར། ཁྱད་པར་སེམས་ཀྱིས་སྨྲས་པ། ལྷའི་བུ། ཁྱོད་དེ་བཞིན་གཤེགས་པས་ལུང་བསྟན
138b5 ཏོ|་|སྨྲས་པ། ཚངས་པ། བདག་ནི་དེ་བཞིན་ཉིད་དང་། ཆོས་ཀྱི་དབྱིངས་ཇི་ལྟ་བ་བཞིན་དུ་ལུང་བསྟན་ཏོ། །སྨྲས་པ། ལྷའི་བུ། དེ་བཞིན་ཉིད་དང་། ཆོས་ཀྱི་དབྱིངས་ནི་ལུང་མི་བསྟན་ཏོ། །སྨྲས
138b6 པ|་ཇི་ལྟར་དེ་བཞིན་ཉིད་དང་། ཆོས་ཀྱི་དབྱིངས་ལུང་མི་བསྟན་པ་བཞིན་དུ་བྱང་ཆུབ་སེམས་དཔའ་ཐམས་ཅད་ལ་ལུང་བསྟན་པའང་དེ་ལྟར་བལྟའོ། །སྨྲས་པ། ལྷའི་བུ། དེའང་ང་ཁྱོད་དེ
138b7 ལྟར་དེ་བཞིན་གཤེགས་པས་ལུང་བསྟན་པས་ན་ཁྱོད་སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ཀྱི་དྲུང་དུ་ཚངས་པར་སྤྱད་པ་ལ་གནས་པ་ནི་དོན་མེད་པ་མ་ཡིན་ནོ། །སྨྲས་པ། ཚངས
iiif viewer powered by OpenSeadragon
