| e-texts navigator |
| Wylie |
138a1 དང་ཡི་གེ་དག་ལའང་དེ་བཞིན་ཏེ། །འཇིག་རྟེན་དུ་ཡང་ཆོས་སྟོན་བློ་གཙང་བདག་དང་ཆོས་ལའང་གནས་མི་མཛད། །འདུས་པ་སོ་སོར་བདེ་གཤེགས་བདག་ལ་ཐ
138a2 དད་ཆོས་སྟོན་སྙམ་དུ་འཛིན། །ཡེ་ཤེས་རྫུ་འཕྲུལ་དབང་པོ་སྟོབས་མཆོག་རྒྱས་པ་ཤེས་རབ་མཚུངས་མེད་གསུངས། །ཁྱོད་ནི་སྡུག་བསྔལ་ཀུན་སེལ་ན་རྒ་འཆི་འཇོམས་སྨན་པའི
138a3 མཆོག་ལགས་ཏེ། །ཁྱོད་ནི་དཔའ་བོ་བདུད་ཀྱི་སྟོབས་འཇོམས་མཐུ་བོ་ཆེ་ཡི་མཐུ་དང་ལྡན། །ཁྱོད་ནི་སྐྱོབ་པས་དཔུང་གཉེན་འཇིག་རྟེན་མགོན་སྐྱབས་སྒྲོན་མ་སྣང་མཛད་པ། །ལྷ་མིན་ལྷ་དང
138a4 ཀླུས་མཆོད་འཛུམ་པ་མཛད་པའི་རྒྱུ་གང་འདིར་བསྟན་གསོལ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚངས་པ་ཁྱད་པར་སེམས་ལ་འདི་སྐད་ཅེས་བཀའ་སྩལ་ཏོ། །
138a5 ཚངས་པ། ཁྱོད་ཀྱིས་ཕྱིར་མི་ལྡོག་པའི་ལྷའི་བུ་འདི་མཐོང་ངམ། གསོལ་པ། བཅོམ་ལྡན་འདས། མཐོང་ངོ་། །བཅོམ་ལྡན་འདས་ཀྱིས་བཀའ་སྩལ་པ། ཚངས་པ། ཕྱིར་མི་ལྡོག་པ་ལྷའི་བུ
138a6 འ་དིས་བསྐལ་པ་བརྒྱ་སྟོང་ཕྲག་སུམ་ཅུ་རྩ་གཉིས་ན་འཇིག་རྟེན་གྱི་ཁམས་ལེགས་པར་སྤྲུལ་པ་ཞེས་བྱ་བར་བསྐལ་པ་ཚངས་པས་བསྟོད་པ་ལ་བླ་ན་མེད་པ་ཡང་དག་པར་རྫོགས་པའི
138a7 བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་། ཞབས་སུ་ལྡན་པ། བདེ་བར་གཤེགས
iiif viewer powered by OpenSeadragon
