| e-texts navigator |
| Wylie |
137b1 ཅི་འདྲའི་གཏམ་བརྗོད་མཁྱེན། །སྨྲ་མཆོག་ཐུབ་དཀའ་ཚིག་དབང་འཛུམ་པ་མཛད་པའི་རྒྱུ་ནི་བསྟན་པར་གསོལ། །འོད་འདི་ཤིན་ཏུ་ཡིད་འོང་སྡུག་པ་དྲི་མེད་རབ་ཏུ་རྣམ་པར་མཛེས། །ཉི་ཟླའི
137b2 འོད་དང་དེ་བཞིན་ཚངས་པ་དབང་པོའི་གཟི་ཡང་ཟིལ་གྱིས་གནོན། །དེ་བཞིན་ཁོར་ཡུག་ཁྲག་ཁྲིག་རི་རབ་དག་ཀྱང་ཤིན་ཏུ་སྣང་བགྱིས་ན། །ཅི་སླད་ཁྱོད་ཀྱིས་འཛུམ་མཛད་དེ་ཡི་རྒྱུ་ནི
137b3 རབ་ཏུ་བསྟན་པར་གསོལ། །འདོད་ཆགས་ཞེ་སྡང་དྲེགས་ལ་སོགས་པ་ཟུག་རྡུ་བྲལ་ཞིང་རབ་ཏུ་ཞི། །འཇིག་རྟེན་ལྷ་མི་ལྟོ་འཕྱེའི་ཚོགས་རྣམས་བྱམས་པས་བདག་པོ་ཁྱོད་ཞལ་ལྟ། །བདེ་གཤེགས
137b4 བལྟས་ཀྱང་མི་ངོམས་ལུས་ནི་རབ་ཏུ་སིམ་ཞིང་བདེ་བར་འགྱུར། །གང་གི་སླད་དུ་འཛུམ་པ་འདི་བསྟན་ཐུབ་པ་བདག་ཅག་རྣམས་ལ་གསུངས། །ཁྱོད་ཀྱིས་ཆོས་རྣམས་ནམ་མཁའ་ལྟ་བུར་རྟག་ཏུ
137b5 བྱེད་མེད་གསོག་ཉིད་དང་། །གློག་དང་སྤྲིན་འདྲ་སྒྱུ་མ་ལྟ་བུར་གསོབ་ཉིད་དབུ་བ་ལྟ་བུ་དང་། །རྨི་ལམ་མཐོང་དང་ཆད་པ་སྟོང་འདྲ་ནམ་མཁའ་ཆུ་ཟླ་ལྟ་བུར་མཁྱེན། །དགེ་བ་འཛུམ་མཛད་འདི་རྒྱུ
137b6 རྣར་སྙན་གསུང་ནི་རབ་ཏུ་བརྗོད་པར་མཛོད། །འཛིན་དང་རྟོག་དང་རྣམ་རྟོག་ཀུན་དང་བྲལ་བས་སྟོང་པ་ཉིད་ལ་མོས། །བདག་པོ་ཤེས་བྱ་ཀུན་ལ་རྟོག་བྲལ་རྟག་ཏུ་མཚན་མ་མེད་ལ་དགྱེས། །ཁྱོད
137b7 ནི་སྲིད་པ་གསུམ་འདིར་གང་ལའང་མི་སྨོན་བསམ་གཏན་ཏིང་འཛིན་དགྱེས། །གང་གི་སླད་དུ་འཛུམ་པ་བསྟན་མཛད་འདྲེན་པ་འདི་ནི་ལུང་བསྟན་གསོལ། །སྐད་ལ་མི་ཆགས་སྒྲ་དང་དབྱངས
iiif viewer powered by OpenSeadragon
