| e-texts navigator |
| Wylie |
136a1 སྨྲས་སོ|་|ཀཽ་ཤི་ཀ། སེང་གེའི་སྒྲ་སེང་གེའི་སྒྲ་ཞེས་བྱ་བ་ཇི་ཙམ་གྱིས་ན་སེང་གེའི་སྒྲ་ཞེས་བྱ། སྨྲས་པ། ལྷའི་བུ། ཆོས་གང་ལའང་མངོན་པར་མ་ཆགས་པར་བརྗོད
136a2 པ་དེ་དག་སེང་གེའི་སྒྲ་ཡིན་ནོ། །གང་དེ་ལྟ་བུ་ལ་མངོན་པར་ཆགས་པར་བརྗོད་པ་དེ་དག་ནི་སེང་གེའི་སྒྲ་མ་ཡིན་ཏེ་ཝའི་སྒྲའོ། །གང་ལྟ་བ་ཀུན་ཏུ་སློང་བ་སྟོན་པ་དེ་དག་ལ་སེང་གེའི་སྒྲ
136a3 མེད་དོ|་|ལྷའི་དབང་པོ་བརྒྱ་བྱིན་གྱིས་སྨྲས་པ། ལྷའི་བུ་ཁྱོད་སེང་གེའི་སྒྲ་ཇི་ལྟ་བུ་ཡིན་པ་སྤོབས་པར་གྱིས་ཤིག་།སྨྲས་པ། ཀཽ་ཤི་ཀ། གང་དེ་བཞིན་གཤེགས་པ་ལའང་མངོན་པར
136a4 མ་ཆགས་པར་སྟོན་ན་ཆོས་ངན་པ་གཞན་ལྟ་ཅི་སྨོས་ཏེ། དེའི་ཕྱིར་སེང་གེའི་སྒྲ་ཞེས་བྱའོ། །ཡང་དག་པའི་ནན་ཏན་ནི་སེང་གེའི་སྒྲ་སྟེ། དེའི་ཕྱིར་སེང་གེའི་སྒྲ་ཞེས་བྱའོ། །འདི་ནི་མགོ
136a5 གཅིག་ཏུ་བསྟན་པ་ཡིན་ཏེ། དེའི་ཕྱིར་སེང་གེའི་སྒྲ་ཞེས་བྱའོ། །འདི་ནི་མི་སྐྲག་པར་བསྟན་པ་སྟེ། དེའི་ཕྱིར་སེང་གེའི་སྒྲ་ཞེས་བྱའོ། །ཀཽ་ཤི་ཀ། གང་ཆོས་ཐམས་ཅད་མི་སྐྱེ་བ་དང་།
136a6 མི་འགོག་པ་དང་། མི་འཐོབ་པར་སྒོམ་པའི་ཕྱིར་ཆོས་བསྟན་པ་དེ་དག་ནི་སེང་གེའི་སྒྲ་ཡིན་ཏེ། གང་ཀུན་ནས་ཉོན་མོངས་པ་དང་། རྣམ་པར་བྱང་བ་དང་། ཀུན་ཏུ་སྦྱོར་བ་དང་། འབྲལ
136a7 བར་བྱ་བའི་ཕྱིར་ཆོས་སྟོན་བ་དེ་དག་ལ་སེང་གེའི་སྒྲ་མེད་དོ། །ཀཽ་ཤི་ཀ། སེང་གེའི་སྒྲ་ཞེས་བྱ་བ་འདི་ལྟ་སྟེ། མགོ་གཅིག་ཏུ་བསྟན་པ། ཆོས་ཐམས་ཅད་གང་ཟག་མེད་པ། བདག་མེད
iiif viewer powered by OpenSeadragon
