| e-texts navigator |
| Wylie |
135b1 པ་རྣམས་ཀྱང་མོས་པར་བགྱིད་ལ། མོས་པ་རྣམས་ཀྱང་རྣམ་པར་འགྲོལ་བ་དེ་དེ་ལྟར་སྤོབས་སོ། །མངོན་པའི་ང་རྒྱལ་ཅན་རྣམས་ཀྱང་ཚར་བཅད་པར་འགྱུར་ལ། ང་རྒྱལ་མ་མཆིས་པ་ཀུན་འཚལ
135b2 བ་ལན་ལྡོན་པ་དེ་ལྟར་སྤོབས་སོ། །ཇི་ལྟར་བདུད་ཀྱིས་གླགས་མི་རྙེད་པ་དེ་ལྟར་སྤོབས་སོ། །གང་དེ་ལྟར་ཉན་པ་དེ་དག་ཀྱང་བདུད་ཀྱི་ལས་ལས་འདས་པར་འགྱུར་རོ། །ཇི་ལྟར་དགེ་བའི་རྩ་བ་མ
135b3 བསྐྱེད་པ་རྣམས་བསྐྱེད་པ་དང་། དགེ་བའི་རྩ་བ་སྐྱེས་པ་རྣམས་འཆབ་མི་འཚལ་བ་དང་། ཉོན་མོངས་པ་སྐྱེས་པ་རྣམས་སྤོང་བ་དང་། མ་སྐྱེས་པ་རྣམས་མི་སྐྱེད་པ་དེ་ལྟར་སྤོབས་སོ། །ཇི་ལྟར
135b4 བྱང་ཆུབ་སེམས་དཔའ་གོ་ཆ་མ་བགོས་པ་རྣམས་གོ་ཆ་འཚལ་བ་དང་། གོ་ཆ་བགོས་པ་རྣམས་མི་ལྡོག་པར་འགྱུར་བ་དེ་ལྟར་སྤོབས་སོ། །ཇི་ལྟར་དམ་པའི་ཆོས་མི་འཆང
135b5 ཅིང་དམ་པའི་ཆོས་ཡོངས་སུ་གཟུང་བར་བགྱིད་པ་དེ་ལྟར་སྤོབས་སོ། །ཇི་ལྟར་སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་འགྱུར་བ་དེ་ལྟར་སྤོབས་སོ། །བཅོམ་ལྡན་འདས། དེ་ལྟ་བུའི
135b6 སྤོབས་པས་ནི་མུ་སྟེགས་ཀྱི་གནས་ཐམས་ཅད་གཞོམ་པར་ནུས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། ཝ་ནི་སེང་གེའི་སྒྲ་བཟོད་པར་ཡང་མི་ནུས་ན་རབ་ཏུ་སྒྲོག་པར་ལྟ་ག་ལ་ནུས་ཏེ།
135b7 བཅོམ་ལྡན་འདས། དེ་བཞིན་དུ་ཕ་རོལ་རྒོལ་བ་ཐམས་ཅད་ཀྱིས་བླ་ན་མེད་པ་སེང་གེའི་སྒྲ་བཟོད་པར་མ་ནུས་སོ། །དེ་ནས་ལྷའི་བུ་ཕྱིར་མི་ལྡོག་པས་ལྷའི་དབང་པོ་བརྒྱ་བྱིན་ལ་འདི་སྐད་ཅེས
iiif viewer powered by OpenSeadragon
