| e-texts navigator |
| Wylie |
134b1 ཁྱོད|་ནན་ཏན་འདི་ལ་ཞུགས་སམ། སྨྲས་པ། ཚངས་པ། གལ་ཏེ་བཅོམ་ལྡན་འདས་ཀྱིས་ནན་ཏན་ལ་གཉིས་སུ་བཤད་པར་གྱུར་ན་བདག་ཀྱང་ནན་ཏན་འདི་ལ་ནན་ཏན་དུ་བྱེད་དོ། །ནན་ཏན་ནི
134b2 གཉིས་སུ་མེད་པ་སྟེ། དེ་ལ་གང་ནན་ཏན་བྱེད་པ་དང་། གང་ལ་ནན་ཏན་བྱེད་པ་དེའང་མེད་དོ། །གང་ཡང་ནན་ཏན་དུ་བྱེད་པར་མེད་དོ། །འོན་ཀྱང་། ཚངས་པ། བདག་ནི་ལྷག་པར་མི་བྱེད་པ
134b3 དང་། སྒྲོ་མི་འདོགས་པའི་ཕྱིར་ནན་ཏན་འདི་ལ་ཞུགས་སོ། །ཆོས་ཉིད་ཇི་ལྟ་བར་ཆོས་ཀྱི་ནན་ཏན་ཡང་དེ་བཞིན་ཏེ། དེ་ནི་དེ་བཞིན་ཉིད་ལ་དེ་ལྟར་ཞུགས་པ་ཞེས་བྱའོ། །ཚངས་པས་སྨྲས
134b4 པ|་ལྷའི་བུ་ཁྱོད། སངས་རྒྱས་ཀྱི་ཞིང་འདི་ན་སྔོན་ངས་མ་མཐོང་ངོ་། །སྨྲས་པ། ཚངས་པ། སངས་རྒྱས་ཀྱི་ཞིང་འདིས་ཀྱང་སྔོན་བདག་མ་མཐོང་ངོ་། །སྨྲས་པ། སངས་རྒྱས་ཀྱི་ཞིང་འདི་ནི
134b5 བལྟའོ་ཞེའམ། མི་ལྟའོ་ཞེས་རྟོག་པའམ། རྣམ་པར་རྟོག་པ་མེད་དོ། །སྨྲས་པ། ཚངས་པ། བདག་སྔོན་མཐོང་ངོ་ཞེའམ། སྔོན་མ་མཐོང་ངོ་ཞེས་བདག་ཀྱང་མི་རྟོག་རྣམ་པར་མི་རྟོག་གོ།
134b6 སྨྲས་པ|་ལྷའི་བུ། སྔོན་མ་མཐོང་བ་མཐོང་བ་སུ། སྨྲས་པ། བྱིས་པ་སོ་སོའི་སྐྱེ་བོ་ཐམས་ཅད་ཀྱིས་ནི་འཕགས་པའི་ངེས་པར་འཇུག་པ་སྔོན་མ་མཐོང་ངོ་། །ཚངས་པ། ནམ་ཡང་དག་པར
134b7 ངེས་པར་ཞུགས་པ་དེ་ནི་སྔོན་མ་མཐོང་བ་མཐོང་ངོ་། །ངེས་པ་དེ་ནི་མིག་གི་རྣམ་པར་ཤེས་པས་ཤེས་པ་མ་ཡིན། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་རྣམ་པར་ཤེས་པས
iiif viewer powered by OpenSeadragon
