| e-texts navigator |
| Wylie |
134a1 འདུས་མ་བྱས་ལ་མ་ཡིན། འཁོར་བ་ལ་མ་ཡིན། མྱ་ངན་ལས་འདས་པ་ལ་མི་འཇུག་པ་འདི་ནི་ཆོས་ཀྱི་ནན་ཏན་ཞེས་བྱ་སྟེ། ཆོས་ཐམས་ཅད་ལ་ནན་ཏན་དུ་བྱ
134a2 བ་མེད་པ་འདི་ནི་ཆོས་ཀྱི་ནན་ཏན་ནོ། །ཆོས་སུ་འདུ་ཤེས་པ་ལ་ཆོས་ཀྱི་ནན་ཏན་མེད་དེ། ཆོས་འདི་ལ་ནན་ཏན་བྱའོ་ཞེས་སྤྲོ་བར་བྱེད། ནན་ཏན་དུ་མི་བྱའོ་ཞེས་སྤྲོ་བར་བྱེད་ན་མ་ཞུགས
134a3 པའོ|་|ཆོས་ཐམས་ཅད་ཀྱི་རྗེས་སུ་ཞུགས་པའི་ནན་ཏན་འདི་ནི་ཆོས་ཀྱི་ནན་ཏན་ནོ། །སྤྲོས་པ་མེད་པས་གཉེན་པོ་མེད་པ་འདི་ནི་ཆོས་ཀྱི་ནན་ཏན་ཞེས་བྱའོ། །དེ་ནས་བཅོམ་ལྡན་འདས
134a4 ལ་ལྷའི་བུ་ཕྱིར་མི་ལྡོག་པས་འདི་སྐད་ཅེས་གསོལ་ཏོ། །བཅོམ་ལྡན་འདས། གང་ཡང་དག་པའི་ནན་ཏན་འདི་ལ་ཞུགས་པ་དང་། འཇུག་པར་འགྱུར་བ་དེ་དག་ལ་ཤིན་ཏུ་ལོག
134a5 པའི་ནན་ཏན་མ་མཆིས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། ཤིན་ཏུ་ཡང་དག་པའི་ནན་ཏན་འདི་ལགས་ཏེ། ལོག་པའི་ལམ་དུ་ཞུགས་པ་རྣམས་ལ་ནན་ཏན་གང་ཡང་མ
134a6 མཆིས་སོ། །ཡང་དག་པའི་ལམ་ལ་གནས་པ་རྣམས་ལ་ཆོས་ཀྱི་ནན་ཏན་མ་མཆིས་སོ། །ཡང་དག་པར་ཞུགས་པ་རྣམས་ལ་ནི་མི་མཉམ་པའི་ཆོས་གང་ཡང་མ་མཆིས་སོ། །དེ
134a7 ཅིའི་སླད་དུ་ཞེ་ན། བཅོམ་ལྡན་འདས། ཆོས་ཐམས་ཅད་ནི་མཉམ་པ་ཁྱད་པར་མ་མཆིས་བའོ། །དེ་ནས་ཚངས་པ་ཁྱད་པར་སེམས་ཀྱིས་ལྷའི་བུ་དེ་ལ་འདི་སྐད་ཅེས་སྨྲས་སོ། །ལྷའི་བུ
iiif viewer powered by OpenSeadragon
