| e-texts navigator |
| Wylie |
120a1 བཀའ་སྩལ་ཏོ། །རིགས་ཀྱི་བུ། ཆོག་གོ། སྨྲ་བས་རྩོད་པར་མ་བྱེད་ཅིག་།སྨྲ་བས་རྩོད་པ་མ་སྐྱེད་ཅིག་།སྨྲ་བ་ཐམས་ཅད་ནི་བྲག་ཅ་དང
120a2 མཚུངས་ཏེ། སྒྲ་ཇི་འདྲ་བ་བཞིན་དུ་སྒྲ་བརྙན་ཡང་དེ་བཞིན་ནོ། །ཁྱོད་ཀྱི་སྤོབས་པ་སོ་སོའི་ཡང་དག་པར་རིག་པ་མི་ཟད་པ་མངོན་པར་བསྒྲུབ་པ་ཁོང་དུ་ཆུད་དོ། །ཁྱེད་འདོད་ན
120a3 དྲིས་པ་འདིའི་དོན་བསྐལ་པའམ། བསྐལ་པ་ལས་ལྷག་པར་ཡང་ལན་ལྡོན་ཞིང་ཁྱེད་ཀྱི་སྤོབས་པའི་མཐར་ཕྱིན་པར་ཡང་མི་འགྱུར་མོད་ཀྱི་སངས་རྒྱས་ཀྱི་ཚིག་ནི་ཉེ་བར་ཞི་བ
120a4 ཡིན་ཏེ། ཞི་བ། རབ་ཏུ་ཞི་བ། ཉེ་བར་ཞི་བ་དང་། ཡི་གེ་མེད་པའི་དོན་ཏོ། །དོན་ནི་བརྗོད་དུ་མེད་པ་སྟེ། ཇི་ཙམ་དུ་བརྗོད་པ་དེ་ཙམ་དུ་དོན་མེད་པའོ། །དོན་ལ་རྟོན་པ་ཡི་གེ་ལ
120a5 མ་རྟོན་ཅིག་ཅེས་དེ་གཉིས་དེ་བཞིན་གཤེགས་པ་དེས་བསྐུལ་བར་རིག་ནས་ཅང་མི་སྨྲ་བར་གྱུར་ཏོ། །རིགས་ཀྱི་བུ། རྣམ་གྲངས་འདིས་ཀྱང་འདི་ལྟར་འདོད་ན་བྱང་ཆུབ་སེམས
120a6 དཔའ་དག་བསྐལ་པ་བརྒྱ་སྟོང་ངམ། དེ་ལས་ལྷག་པར་ཡང་སྤོབས་པས་བསྟན་པ་སྟོན་པར་རིག་པར་བྱའོ། །རིགས་ཀྱི་བུ། དེའི་ཚེ་དེའི་དུས་ན་བྱང་ཆུབ་སེམས་དཔའ
120a7 གཉིས་བྱུང་བ་གཞན་ཡིན་པར་འཛིན་པ་ཁྱོད་ཀྱིས་དེ་ལྟར་མི་ལྟའོ། །དེ་ཅིའི་ཕྱིར་ཞེ་ན། འཇམ་དཔལ་གཞོན་ནུར་གྱུར་པ་འདི་དེའི་ཚེ་བྱང་ཆུབ་སེམས་དཔའ་བློ་གྲོས
iiif viewer powered by OpenSeadragon
