| e-texts navigator |
| Wylie |
11b1 དེས་དེ་ལྟར་མཐོང་བས་ཇི་ལྟར་ཕྱི་རོལ་གྱི་ཁམས་རྣམས་ལ་མངོན་པར་ཆགས་པ་མེད་པ་དེ་ལྟར་ནང་གི་རྣམས་ལ་ཡང་ངོ་། །མིག་གི་རྣམ་པར་ཤེས་པ་དང་། གཟུགས་རྣམས་ལའང
11b2 ཡང་དག་པའི་ཤེས་རབ་ཀྱིས་ཚུལ་གཅིག་ཏུ་སོ་སོར་རྟོག་གོ། རྣ་བའི་རྣམ་པར་ཤེས་པ་དང་། སྒྲ་རྣམས་དང་། སྣའི་རྣམ་པར་ཤེས་པ་དང་། དྲི་རྣམས་དང་། ལྕེའི་རྣམ་པར་ཤེས་པ་དང
11b3 རོ་རྣམས་དང་། ལུས་ཀྱི་རྣམ་པར་ཤེས་པ་དང་། རེག་བྱ་རྣམས་ལའང་ཡང་དག་པའི་ཤེས་རབ་ཀྱིས་ཚུལ་གཅིག་ཏུ་སོ་སོར་རྟོག་གོ། དེའི་སའི་ཁམས་ལ་ནི་སྲ་བ་ཉིད་དུའང་རབ་ཏུ
11b4 ཤེས་ལ་གཤེར་བ་ཉིད་དང་། ཚ་བ་ཉིད་དང་། ཁོང་སྟོང་ཉིད་དུའང་རབ་ཏུ་ཤེས་སོ། །ཆུའི་ཁམས་ལ་གཤེར་བ་ཉིད་དུའང་རབ་ཏུ་ཤེས་ལ་སྲ་བ་ཉིད་དང་། ཚ་བ་ཉིད་དང་།
11b5 ཁོང་སྟོང་ཉིད་དུའང་རབ་ཏུ་ཤེས་སོ། །མེའི་ཁམས་ལ་ཚ་བ་ཉིད་དུའང་རབ་ཏུ་ཤེས་ལ་སྲ་བ་ཉིད་དང་། གཤེར་བ་ཉིད་དང་། ཁོང་སྟོང་ཉིད་དུའང་རབ་ཏུ་ཤེས་སོ། །རླུང་གི་ཁམས
11b6 ལ་གཡོ་བ་ཉིད་དུའང་རབ་ཏུ་ཤེས་ལ་ཡང་ཞིང་གཡོ་བ་ཉིད་དུའང་རབ་ཏུ་ཤེས་སོ། །དེ་ནམ་མཁའི་ཁམས་ལ་ཁོང་སྟོང་དུའང་རབ་ཏུ་ཤེས་ལ་ཐམས་ཅད་དུ་སོང་བ་ཉིད་དུའང་རབ
11b7 ཏུ་ཤེས་སོ། །རྣམ་པར་ཤེས་པའི་ཁམས་ལ་སྒྱུ་མ་ལྟ་བུ་ཉིད་དུའང་རབ་ཏུ་ཤེས་ལ་ཕྱིན་ཅི་ལོག་ཉིད་དུའང་རབ་ཏུ་ཤེས། ཕྱིན་ཅི་མ་ལོག་པ་ཉིད་དུའང་རབ་ཏུ་ཤེས་སོ། །དེ་མིག
iiif viewer powered by OpenSeadragon
