| e-texts navigator |
| Wylie |
11a1 འཆལ་བའི་ཤེས་རབ་ཀྱི་སེམས་གདུལ་བའི་ཕྱིར་ཤེས་རབ་སྒོམ་པར་བྱེད་དོ། །ཇི་ལྟར་སྒོམ་པ་བྱེད་ཅེ་ན། དེ་ཀུན་རྫོབ་ཀྱི་ཚུལ་དུ་བཤད་པའམ། དོན
11a2 དམ་པའི་ཚུལ་དུ་བཤད་པའི་མདོ་སྡེ་གང་དག་ཡིན་པ་དེ་དག་བརྗོད་པ་གསལ་ཞིང་ཟུར་ཕྱིན་པ་དག་གིས་མ་ནོར་བར་འཛིན་ཏོ། །མ་ནོར་བས་ཆོས་སྟོན་པ་ལས་བཟུང་ནས
11a3 ཀྱང་། མ་ནོར་བའི་བསམ་པས་སེམས་པར་བྱེད་དོ། །སྒོམ་པའི་རྣལ་འབྱོར་ལའང་བརྩོན་པར་བྱེད་དོ། །དེ་ཡེ་ཤེས་ཀྱི་སྟོབས་དང་། ཤེས་རབ་ཀྱི་བྱེ་བྲག་གིས་སེམས་ཅན་མི
11a4 དམིགས། སྲོག་མི་དམིགས། གསོ་བ་མི་དམིགས། སྐྱེས་བུ་མི་དམིགས། གང་ཟག་མི་དམིགས། ཤེད་ལས་སྐྱེས་མི་དམིགས། ཤེད་བུ་མི་དམིགས་ཏེ། ཐམས་ཅད་ཀྱི
11a5 ཐམས་ཅད་དུ་ཆད་པར་ལྟ་བར་ཡང་མི་ལྟུང་ངོ་། །བཏགས་པའི་ཐ་སྙད་རྣམས་ལའང་ལེགས་པར་བསླབ་པ་ཡིན་ནོ། །དེ་ཟིན་པའི་སའི་ཁམས་དང་། མ་ཟིན་པའི་སའི་ཁམས
11a6 ལ་ཡང་དག་པའི་ཤེས་རབ་ཀྱིས་ཚུལ་གཅིག་ཏུ་སོ་སོར་རྟོག་གོ། ཟིན་པའི་ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། མ་ཟིན་པ་ལའང་ཡང་དག་པའི་ཤེས་རབ
11a7 ཀྱིས་ཚུལ་གཅིག་ཏུ་སོ་སོར་རྟོག་སྟེ། དེ་གཉིས་ཀའང་གསོག་ཉིད་དང་། གསོ་བ་ཉིད་དུ་མཐོང་ཞིང་། བེམས་པོ་ཉིད་དང་། སྙིང་པོ་མེད་པ་ཉིད་དང་། སྟོང་པ་ཉིད་དུ་མཐོང་ངོ་།།
iiif viewer powered by OpenSeadragon
