| e-texts navigator |
| Wylie |
119b1 སྨྲ་བར་གྱུར་པ་ནི་གང་ཡིན། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་དེ་གཉིས་ཀྱིས་ཚངས་པ་འོད་ཟེར་བཟང་པོ་ལ་འདི་སྐད་ཅེས་སྨྲས་སོ། །ཚངས་པ། དེའི་ཕྱིར་དྲིས་པ
119b2 ལུང་བསྟན་པ་འདི་ལས་ཅུང་ཟད་ཅིག་བཤད་ཀྱི་ཉོན་ཅིག་དང་། འདི་ལ་དེ་བཞིན་གཤེགས་པ་ནི་མངོན་སུམ་སྟེ་ཕ་རོལ་གྱི་མཆོག་བརྙེས་སོ། །རིགས་ཀྱི་བུ། དེ་ལྟར་བྱང་ཆུབ
119b3 སེམས་དཔའ་དེ་གཉིས་འཁོར་དེའི་ནང་ན། འདི་ལྟ་སྟེ། ཆོས་ཀྱི་གཏམ་དང་། འཕགས་པ་མི་སྨྲ་བར་གྱུར་པ་ལ་བརྩམས་ནས་དོན་གྱི་ཚིག་འདི་ཉིད་རྒྱས་པར་བསྟན་ཏེ། དེའི་ཚེ
119b4 ཚངས་པ་བརྒྱ་སྟོང་ཕྲག་བདུན་ཅུ་རྩ་གཉིས་པོ་དེ་དག་མི་སྐྱེ་བའི་ཆོས་ལ་བཟོད་པ་སྐྱེས་སོ། །ཚངས་པ་འོད་ཟེར་བཟང་པོས་ཀྱང་ཏིང་ངེ་འཛིན་ཀུན་ཏུ་སྣང་བ་མངོན་དུ་གྱུར་ཏེ
119b5 རབ་ཏུ་ཐོབ་བོ། །རིགས་ཀྱི་བུ། དེ་ལྟར་བྱང་ཆུབ་སེམས་དཔའ་སྤོབས་པ་རྒྱུན་མི་ཆད་པ་དེ་གཉིས་དྲིས་པ་གཉིས་པོ། འདི་ལྟ་སྟེ། ཆོས་ཀྱི་གཏམ་དང་། འཕགས་པ་མི་སྨྲ
119b6 བར་གྱུར་པ་ཡང་དག་པར་སྟོན་ཅིང་འདུག་སྟེ། དེ་གཉིས་ཀྱིས་ལོ་སྟོང་ཕྲག་བདུན་ཅུ་རྩ་དྲུག་གི་བར་དུ་དོན་གྱི་ཚིག་འདི་གཉིས་གཏན་ལ་འབེབས་ཤིང་ལན་ལྡོན་པར་གྱུར
119b7 ཏེ|་གཅིག་གིའང་མཐར་མ་ཕྱིན། གཉིས་པོའི་ཡང་མཐར་མ་ཕྱིན་ཏོ། །དེ་ནས་དེ་བཞིན་གཤེགས་པ་དེ་སྟེང་གི་ནམ་མཁའ་ལ་བཞུགས་ནས་དེ་གཉིས་ལ་འདི་སྐད་ཅེས
iiif viewer powered by OpenSeadragon
