| e-texts navigator |
| Wylie |
117a1 ཆེན་པོ་རེ་རེ་ནའང་གྲོང་དང་། རི་ཁྲོད་པ་དང་། ཡུལ་འཁོར་དང་། གྲོང་རྡལ་ལྔ་བརྒྱས་བསྐོར་བར་གྱུར་ཏོ། །གྲོང་དང་། གྲོང་ཁྱེར་དང་། གྲོང་རྡལ
117a2 དང་། ལྗོངས་ཐམས་ཅད་ནའང་སྲོག་ཆགས་མང་པོ་བརྒྱ་སྟོང་གནས་ཏེ། མི་དེ་དག་གི་མིག་སྔར་ཅི་སྣང་བ་དེ་དག་ཐམས་ཅད་ཀྱང་སྡུག་ཅིང་ཡིད་དུ་འོང་བ་སྣང་སྟེ། ཡིད
117a3 དུ་མི་འོང་བ་མི་སྣང་ངོ་། །མི་དེ་དག་ཀྱང་སངས་རྒྱས་རྗེས་སུ་དྲན་པའི་ཏིང་ངེ་འཛིན་ཐོབ་པར་གྱུར་ཏོ། །དེའི་ཕྱིར་འཇིག་རྟེན་གྱི་ཁམས་དེ་མཐོང་ན་དགའ་བ་ཞེས་བྱའོ། །སངས
117a4 རྒྱས་ཀྱི་ཞིང་གཞན་ནས་བྱང་ཆུབ་སེམས་དཔའ་འཇིག་རྟེན་གྱི་ཁམས་དེར་འོངས་པ་དེ་དག་ཀྱང་། འཇིག་རྟེན་གྱི་ཁམས་མཐོང་ན་དགའ་བ་བཞིན་དུ་འཇིག་རྟེན་གྱི་ཁམས
117a5 གཞན་ལ་དེ་ཙམ་དུ་དགའ་བར་མི་འཛིན་ཏོ། །ཡང་དེ་བཞིན་གཤེགས་པ་ཀུན་ཏུ་འོད་ཟེར་དེ་ཐེག་པ་གསུམ་ལ་བརྩམས་ཏེ་སེམས་ཅན་རྣམས་ལ་ཆོས་སྟོན་ཏེ། ཕལ
117a6 ཆེར་ནི། རིགས་ཀྱི་བུ། ཁྱོད་འདི་ལྟར་གནས་པ་གཉིས་ཀྱིས་གནས་པར་བྱོས་ཤིག་།ཆོས་ཀྱི་གཏམ་བརྗོད་ཅིག། ཡང་ན་འཕགས་པ་མི་སྨྲ་བར་གྱུར་པ་ཉེ་བར་ཞི་བ་ལ་གནས
117a7 པར་བྱོས་ཤིག་ཅེས་རྒྱས་པར་ཡང་དག་པར་རབ་ཏུ་སྟོན་ཏོ། ། །།བམ་པོ་ལྔ་པ། རིགས་ཀྱི་བུ། ཡང་དེའི་ཚེ་སྟེང་གི་ཕྱོགས་ནས་དེ་བཞིན་གཤེགས་པ་སྨན་པའི
iiif viewer powered by OpenSeadragon
